రాఘవేంద్రరావు హీరోయిన్ మళ్లీ వస్తోంది..

రాఘవేంద్రరావు హీరోయిన్ మళ్ళీ వస్తుందా.. ఎవరా హీరోయిన్.. ఏమా కదా..  అనుకుంటున్నారా.. అవునండి..  హీరోయిన్లను అందంగా చూపించడంలో పండిపోయిన దర్శకేంద్రుడు రాఘవేంద్రరావు… ‘ఝుమ్మంది నాదం’ సినిమాతో హీరోయిన్ గా తాప్సిని టాలీవుడ్ కి పరిచయం చేసిన సంగతి తెలిసిందే. ఈ సినిమాతో హీరోయిన్ గా పరిచయమైన ఈ పంజాబీ బ్యూటీ ఇప్పుడు టాలీవుడ్ లో రీఎంట్రీ ఇస్తోంది.

టాలీవుడ్ లో ప్రభాస్, రవితేజ, గోపీచంద్, వెంకటేష్ వంటి హీరోలతో నటించిన ఈ భామ  తెలుగులో కొంత గ్యాప్ తీసుకుంది. ‘చష్మే బద్దూర్’ సినిమాతో బాలీవుడ్ ఎంట్రీ ఇచ్చి బిజీ అయిపోయింది. తాజాగా అమె నటించిన నామ్ షబానా సినిమాకు మంచి ప్రశంసలు వచ్చాయి. అలా రెండేళ్లకు పైగా బాలీవుడ్ కే పరిమితమైపోయిన ఈ బ్యూటీ.. మళ్లీ ఇన్నాళ్లకు ఆనందోబ్రహ్మ అనే సినిమాతో తెలుగులో రీఎంట్రీ ఇస్తోంది.

కామెడీ హర్రర్ థ్రిల్లర్ కాన్సెప్ట్ తో తెరకెక్కింది ఆనందోబ్రహ్మ సినిమా. ఫస్ట్ లుక్ పోస్టర్ తో ఎట్రాక్ట్ చేసిన ఈ మూవీ ఆగస్ట్ 18న విడుదలకానుంది. ఈ సినిమాతో మరోసారి టాలీవుడ్ లో బిజీ అవ్వాలని చూస్తోంది తాప్సి.