ఎట్రాక్ట్ చేస్తున్న నితిన్ 'లై' టీజర్

‘అ ఆ’తో కెరీర్ బిగ్గెస్ట్ హిట్ అందుకున్న నితిన్ త్వరలోనే ‘లై’ సినిమాతో థియేటర్స్ లో ఎంట్రీ ఇవ్వబోతున్నాడు. హను రాఘవపూడి డైరెక్షన్ లో 14 రీల్స్ ఎంటర్టైన్ మెంట్స్ బ్యానర్ పై స్టైలిష్ యాక్షన్ ఎంటర్టైనర్ గా తెరకెక్కుతున్న ఈ సినిమా ప్రెజెంట్ షూటింగ్ పూర్తి చేసుకొని పోస్ట్ ప్రొడక్షన్ వర్క్ జరుపుకుంటోంది. ఈ సినిమా టీజర్ రిలీజైంది.

నితిన్ స్టైలిష్ లుక్, హను మేకింగ్ , మణిశర్మ బ్యాగ్రౌండ్ స్కోర్ తో అందరినీ ఎట్రాక్ట్ చేస్తూ మెస్మరైజ్ చేస్తుంది లై టీజర్. ముఖ్యంగా “కోట్ల మంది సైనికులు సరిపోలేదట, పంచ పాండవులు సాధించలేదట, చివరికి కృష్ణుడు ఒంటరి కాదట, అబద్ధం తోడు లేకుండా ఏ కురుక్షేత్రం పూర్తి అవ్వదట. అశ్వద్ధామ హతః….కుంజరః. అనే డైలాగ్ హైలైట్ గా నిలిచింది.

నితిన్‌ సరసన మేఘా ఆకాష్‌ హీరోయిన్ గా నటిస్తున్న ఈ సినిమాలో యాక్షన్‌ కింగ్‌ అర్జున్‌ ఓ కీ రోల్ లో కనిపించబోతున్నాడు. శరవేగంగా పోస్ట్ ప్రొడక్షన్ వర్క్ జరుపుకుంటున్న ఈ సినిమాను ఆగస్టు 11న రిలీజ్ చేయబోతున్నారు.