ఒకే రోజు రెండు సినిమాలతో...?

అక్కినేని యువ కథానాయకుడు నాగ చైతన్య ఒకే రోజు రెండు సినిమాలతో ప్రేక్షకుల ముందుకు రానున్నాడు. చైతు ప్రస్తుతం ‘ప్రేమమ్’ రీమేక్ లో నటిస్తున్న విషయం తెలిసిందే. చందు మొండేటి దర్శకత్వం లో సూర్యదేవర నాగవంశీ నిర్మాణం లో తెరకెక్కుతున్న ఈ చిత్రం ప్రస్తుతం చిత్రీకరణ జరుపుకుంటుంది. ఇక చైతు మరో తాజా చిత్రం ‘సాహసం శ్వాసగా సాగిపో’. చిత్రీకరణ పూర్తి చేసుకొన్న ఈ చిత్రం కొన్ని నెలలు గా వాయిదా పడుతూ వస్తున్న విషయం తెలిసిందే. చైతు నటిస్తున్న ప్రేమమ్ చిత్రాన్ని సెప్టెంబర్ 9 న వినాయకచవితి సందర్భంగా విడుదల చేయనున్నట్లు తెలిపారు యూనిట్. సరిగ్గా ఇదే రోజున ‘సాహసం శ్వాసగా సాగిపో’ సినిమా విడుదల చెయ్యాలని భావిస్తున్నాడు దర్శకుడు గౌతమ్ వాసు దేవమీనన్. ఈ విషయాన్ని సోషల్ మీడియా ద్వారా ఆయనే స్వయంగా తెలియజేసారు. ఇక రెండు సినిమాలకు సంబంధించిన మేకర్స్ ఇదే రోజు పక్కాగా ఫిక్స్ అయిపోతే మాత్రం ఒకే రోజు రెండు సినిమాలతో చైతు థియేటర్స్ లో సందడి చేస్తాడన్నమాట.