మహేష్ ప్రభాస్, అఖిల్ సినిమాల టైటిల్స్

హై ఎండ్ సస్పెన్స్… అదే రేంజులో ఎగ్జైట్ మెంట్ క్రియేట్ చేస్తున్నాయి మూడు సినిమాలు. ప్రభాస్ సుజిత్ కాంబోలో తెరకెక్కుతున్న సినిమాతో పాటు, ఇవాళే సెట్స్ పైకి వచ్చిన అఖిల్ సినిమా, ఎప్పుడెప్పుడా అని ఇంకా ఊరిస్తూనే ఉన్న మహేష్-మురుగదాస్ సినిమా… ఈ 3 సినిమాలకు సంబంధించి టైటిల్స్ పై దాదాపు క్లారిటీ వచ్చేసింది.

ప్రభాస్ కొత్త సినిమాకు సాహో అనే టైటిల్ అనుకుంటున్నారు. యూవీ క్రియేషన్స్ బ్యానర్ పై ఈ టైటిల్ రిజిస్టర్ అయింది. బాహుబలి సినిమాతో పాపులర్ అయిన ఈ పేరును ప్రభాస్ కొత్త సినిమాకు పెడుతున్నారన్నమాట. ఇక మహేష్ బాబు సినిమాకు స్పైడర్ అనే టైటిల్ అనుకుంటున్నారు. NVS బ్యానర్ పై ఈ పేరు ఫిలింఛాంబర్ లో రిజిస్టర్ అయింది. నిర్మాతలు ఎన్ వీ ప్రసాద్, ఠాగూర్ మధు సంయుక్తంగా పెట్టిన బ్యానర్ ఇది. ఈ బ్యానర్ పైనే మహేష్-మురుగదాస్ సినిమా తెరకెక్కుతోంది.

ఇక ఇవాళ్టి నుంచి సెట్స్ పైకి వచ్చిన అఖిల్-విక్రమ్ కుమార్ సినిమా కోసం జున్ను అనే టైటిల్ రిజిస్టర్ అయింది. అయితే అన్నపూర్ణ స్టుడియోస్ బ్యానర్ పై ఈ టైటిల్ రిజిస్టర్ కాలేదు. సుమంత్ స్థాపించిన కొత్త బ్యానర్ పై ఇది రిజిస్టర్ అయింది. అయితే అది కూడా అక్కినేని కాంపౌండ్ బ్యానరే కావడంతో అఖిల్ సినిమాకు దాదాపు జున్ను అనే టైటిల్ ఫిక్స్ అయినట్టే.