అఖిల్ నెక్ట్స్ సినిమాపై అనుమానాలు

మొన్నటివరకు అఖిల్ రెండో సినిమా కోసం అంతా ఎదురుచూశారు. ఈమధ్య ఆ సుదీర్ఘ నిరీక్షణకు తెరపడింది. హను రాఘవపూడి దర్శకత్వంలో తన రెండో సినిమా ఉంటుందని స్వయంగా అఖిల్ ప్రకటించాడు. దీంతో రూమర్లకు చెక్ పడింది. అఖిల్-హను కాంబినేషన్ ఫిక్స్ అని అంతా అనుకున్నారు. కానీ అంతలోనే ఈ కాంబినేషన్ పై మరోసారి పుకార్లు షికార్లు చేస్తున్నాయి. హనుతో అఖిల్ సినిమా చేసేది అనుమానమే అంటున్నారు చాలామంది.

కృష్ణగాడి వీరప్రేమగాథ సినిమాతో సక్సెస్ అందుకున్న హను రాఘవపూడి…. వేరే ప్రొడక్షన్ హౌజ్ తో కాంట్రాక్ట్ లో ఉన్నాడట. ఆ కాంట్రాక్ట్ ముగిసేవరకు మరో సినిమా చేసే అవకాశం లేదు. అందుకే అఖిల్-హను సినిమా సెట్స్ పైకి వచ్చేది అనుమానమే అంటున్నారు. అయితే ఈ విషయంపై అటు దర్శకుడు, ఇటు సిసింద్రీ నుంచి ఎలాంటి క్లారిటీ లేదు.