స్టార్స్ స్టార్ట్ చేసేశారు...

ఎట్టకేలకి టాలీవుడ్లో తమ క్రేజీ ప్రాజెక్ట్స్ ను సెట్స్ పైకి తీసుకొచ్చి… స్టార్ట్-యాక్షన్ చెప్పించుకోవడానికి రెడీ అయ్యారు బడా హీరోలు. మొన్నటివరకూ ఫాన్స్ తో పాటు ఆడియన్స్ కూడా ఎప్పుడెప్పుడా.. అని ఎదురుచూసిన బడా ప్రాజెక్ట్స్ ఇటీవలే పూజా కార్యక్రమాలతో ఘనంగా ప్రారంభమయ్యాయి. అవన్నీ ఇప్పుడు ఒకేసారి సెట్స్ పైకి వస్తున్నాయి.

ఈ లిస్ట్ లో ముందున్నాడు పవర్ స్టార్ పవన్ కళ్యాణ్. ఇప్పటికే త్రివిక్రమ్ తో ఓ సినిమాను, తమిళ దర్శకుడు నేసన్ తో ఓ సినిమాకు కొబ్బరికాయ కొట్టిన పవన్… త్వరలోనే ఈ రెండు సినిమాలను సెట్స్ పై పెట్టేందుకు రెడీ అవుతున్నాడు. ప్రెజెంట్ ‘కాటమరాయుడు’ షూటింగ్ లో బిజీ గా ఉన్న పవన్ మార్చి 14 నుంచి త్రివిక్రమ్ సినిమాను స్టార్ట్ చేస్తాడు.

నాగార్జున- ఓంకార్ కాంబినేషన్ లో తెరకెక్కుతున్న ‘రాజు గారి గది-2’. ప్రెజెంట్ వరుస హిట్స్ తో దూసుకుపోతున్న నాగ్… తొలిసారి హారర్ ఎంటర్టైనర్ లో నటిస్తున్న చిత్రమిది.. ఈమధ్యే పూజా కార్యక్రమాలతో ఘనంగా ప్రారంభమైన ఈ సినిమా ఫిబ్రవరి 17 నుంచి సెట్స్ పైకి వెళ్లనుంది. ఇందులో ఓ కీలక పాత్ర కోసం సమంతను తీసుకున్నారు.

మెగా పవర్ స్టార్ రామ్ చరణ్ కూడా ఓ క్రేజీ ప్రాజెక్ట్ ను ఇటీవలే పూజా కార్యక్రమాలతో ఘనంగా ప్రారంభించిన సంగతి తెలిసిందే… క్రియేటీవ్ డైరెక్టర్ సుకుమార్ దర్శకత్వంలో రామ్ చరణ్ నటించబోయే ఈ సినిమా ప్రస్తుతం ప్రీ ప్రొడక్షన్లో ఉంది. వచ్చే నెల నుంచి ఈ సినిమా సెట్స్ పైకి వచ్చే ఛాన్స్ ఉంది. సమంత ఇందులో హీరోయిన్ గా నటించనుంది.

‘జనతా గ్యారేజ్’ తర్వాత కొన్ని నెలలు గ్యాప్ తీసుకున్న ఎన్టీఆర్ కూడా బాబీ డైరెక్షన్ లో నటించబోయే తన ప్రతిష్టాత్మక సినిమాకు ఇటీవలే స్టార్ట్ చేశాడు. ఎన్టీఆర్ ఆర్ట్స్ బ్యానర్ పై కళ్యాణ్ రామ్ నిర్మించనున్న ఈ సినిమా ఫిబ్రవరి 15 నుంచి రెగ్యులర్ షూటింగ్ మోడ్ లోకి ఎంటర్ అవుతుంది.

తాజాగా ఈ లిస్ట్ లో ప్రభాస్ కూడా చేరిపోయాడు. ఇటీవలే ‘బాహుబలి-2’ షూటింగ్ పూర్తి చేసిన ప్రభాస్ తన నెక్స్ట్ సినిమాను లేటెస్ట్ గా పూజా కార్యక్రమాలతో స్టార్ట్ చేశాడు. యంగ్ డైరెక్టర్ సుజీత్ దర్శకత్వం లో తెరకెక్కనున్న ఈ సినిమాకు సంబంధించి ప్రీ ప్రొడక్షన్ వర్క్ దాదాపు పూర్తి కావడంతో వీలైనంత త్వరగా ఈ సినిమాను సెట్స్ పై పెట్టేయాలని భావిస్తున్నాడు యంగ్ రెబెల్ స్టార్…