Sekhar Kammula, Dhanush Movie - మల్టీస్టారర్ అవుతుందా?
Saturday,July 03,2021 - 03:41 by Z_CLU
Sekhar Kammula, Dhanush Movie is a Multi starrer
ఎవరూ ఊహించని విధంగా ‘లవ్ స్టోరి’ తర్వాత కోలీవుడ్ స్టార్ ధనుష్ తో పాన్ ఇండియా సినిమాను ఎనౌన్స్ చేశాడు శేఖర్ కమ్ముల. లవ్ స్టోరి నిర్మాతలతో ఈ సినిమా చేయబోతున్నట్లు తెలిపాడు. ఇటివలే ధనుష్ ని హైదరాబాద్ లో కలిసి డిస్కషన్ కూడా జరిపారు మేకర్స్.స్క్రిప్ట్ నరేషన్, షెడ్యుల్స్ వైగైరా అన్నీ డిస్కస్ చేసుకున్నారు. త్వరలోనే సినిమా సెట్స్ పైకి వెళ్లనుందని హింట్ ఇచ్చారు.
అయితే ఈ సినిమాలో ధనుష్ తో పాటు మరో హీరో కూడా ఉంటాడని, శేఖర్ కమ్ముల ఈ సినిమాను మల్టీ స్టారర్ తో తెరకెక్కించనున్నాడని ప్రచారం జరుగుతుంది. ప్రస్తుతం ఆ హీరోని ఫైనల్ చేసే పనిలోనే ఉన్నారట మేకర్స్. టాలీవుడ్ నుండి ఓ స్టార్ ని ప్రాజెక్ట్ లోకి తీసుకునే ఆలోచనలో శేఖర్ , నిర్మాతలు ఆలోచిస్తున్నారని తెలుస్తుంది. ఈ విషయంపై త్వరలోనే మేకర్స్ నుండి క్లారిటీ రానుంది. మరి ధనుష్ తో పాటు ఈ సినిమాలో కనిపించనున్న మరో హీరో ఎవరా ? అని ప్రెజెంట్ చర్చ నడుస్తుంది.
ఇక ఒక్కో సినిమాతో నటుడిగా ఎదుగుతూ క్రేజ్ పెంచుకుంటున్న ధనుష్ ను శేఖర్ కమ్ముల ఎలా చూపించనున్నాడు ? అసలు ఈ హీరోతో ఎలాంటి సినిమా తీయబోతున్నాడు అనేది ప్రాజెక్ట్ పై ఇంట్రెస్ట్ క్రియేట్ చేస్తుంది. క్యూట్ లవ్ స్టోరీస్ తో సాఫ్ట్ సినిమాలు చేసే శేఖర్ కమ్ముల ధనుష్ తో ఏదైనా పెద్ద ప్రయోగం చేస్తాడేమో చూడాలి. అలాగే ఇది మల్టీ స్టారర్ ఆ ? కదా అనేది కూడా తెలియాల్సి ఉంది.
- – Follow us for Latest Telugu Zee Cinemalu News and upcoming trending stories, Gossips, Actress Photos and Special topics