రవితేజతో మల్టీస్టారర్ చేయాలని ఉంది

హీరోలంతా ఈ క్వారంటైన్ టైమ్ లో ఫ్యాన్స్ కు దగ్గరవ్వడం కోసం సోషల్ మీడియాను యూజ్ చేస్తున్నారు. మెగాహీరో సాయితేజ్ అయితే ఏకంగా తన ఫ్యాన్స్ తో చిట్ చాట్ పెట్టాడు. అందులో కొన్ని ఇంట్రెస్టింగ్ ఎలిమెంట్స్ చూద్దాం.

– ఏదైనా కొత్త విషయం నేర్చుకోవడానికి నాకు సంవత్సర కాలం ఇస్తే.. ఏదైనా కొత్త భాష నేర్చుకోవడానికి ట్రై చేస్తాను. ఎందుకంటే కొత్త భాషలు నేర్చుకోవడం నాకిష్టం.

– లాక్ డౌన్ కారణంగా షూటింగ్స్ మిస్ అవుతున్నాను. ఇక రవితేజతో మల్టీస్టారర్ విషయానికొస్తే మంచి స్క్రిప్ట్ కోసం వెయిటింగ్

– నాకు ముద్దు పేర్లు అంటూ ఏమీ లేవు. అమ్మతో పాటు, మా కుటుంబ సభ్యులంతా నన్ను తేజ్ అని పిలుస్తారు.

– అందర్లానే నాక్కూడా పవన్ కల్యాణ్ తో సినిమా చేయాలని ఉంది. ఆ ఛాన్స్ వస్తే మాత్రం పక్కా ఊర మాస్ మసాలా ఎంటర్ టైనర్ లో పవన్ తో కలిసి నటించాలని ఉంది.

– నా నెక్ట్స్ సినిమా సోలో బ్రతుకే సో బెటర్. మనలో చాలామంది ఈ సినిమాకు కనెక్ట్ అవుతారు. అది మాత్రం కచ్చితంగా చెప్పగలను.

– నాకు చాలా డ్రీమ్ రోల్స్ ఉన్నాయి. దేవ్ కట్టా దర్శకత్వంలో చేయబోయే పాత్ర అందులో ఒకటి.

– నాకున్న ఫ్రెండ్స్ లో ఎన్టీఆర్ ఒకడు. ఇండస్ట్రీకి నేను రాకముందు ఆయన్ని కలిశాను. టాలెంటెడ్ యాక్టర్. ఇక బన్నీ విషయానికొస్తే.. మా జనరేషన్ లో ఎక్కువ కష్టపడి పనిచేసే నటుడు బన్నీ. సినిమా సినిమాకి ఏదో ఒక కొత్తదనం చూపిస్తాడు.