రామ్ చరణ్, బోయపాటి సినిమా ప్రారంభం

రూమర్లకు చెక్ పడింది. మరో బ్రహ్మాండమైన కాంబినేషన్ ఫిక్స్ అయింది. మాస్ డైరక్టర్ బోయపాటి, మెగా పవర్ స్టార్ రామ్ చరణ్ కాంబినేషన్ లో సినిమా ప్రారంభమైంది. డీవీవీ ఎంటర్ టైన్ మెంట్స్ బ్యానర్ పై ప్రొడక్షన్ నంబర్-4గా ఈ సినిమా రాబోతోంది. ఈ మూవీ పూజా కార్యక్రమాలు ఈరోజు ఉదయం జరిగాయి.

బోయపాటి-చరణ్ కాంబినేషన్ లో ఇదే మొదటి సినిమా. ధృవ లాంటి క్లాస్ మూవీ, రంగస్థలం లాంటి ప్రయోగాత్మక చిత్రం తర్వాత బోయపాటి దర్శకత్వంలో ఓ మాస్ మూవీ చేస్తే బాగుంటుందనే ఉద్దేశంతో వెంటనే గ్రీన్ సిగ్నల్ ఇచ్చాడు చరణ్. జనవరి నుంచి ఈ మూవీ సెట్స్ పైకి వస్తుంది. వచ్చే ఏడాది దసరాకు రిలీజ్ చేయబోతున్నారు.

బోయపాటి-చరణ్ ప్రాజెక్టుకు తమన్ సంగీతం అందిస్తాడు. హీరోయిన్లతో పాటు ఇతర టెక్నీషియన్ల వివరాలు త్వరలోనే వెల్లడిస్తారు.