రకుల్ కు కాబోయే వాడు ఇలా ఉండాలంట!

అందానికి కేరాఫ్ అడ్రస్ గా అంటారు హీరోయిన్లు. మరి అలాంటి ముద్దుగుమ్మల్ని పెళ్లాడే వాడు ఎలా ఉండాలి? ఇదే విషయాన్ని చెబుతోంది రకుల్ ప్రీత్. తనకు కాబోయే భర్తలో కచ్చితంగా 3 క్వాలిటీస్ ఉండాలంటోంది.

“అన్నింటికంటే ముఖ్యమైంది నాకు కాబోయే వాడు పొడుగ్గా ఉండాలి. నేను హై-హీల్స్ వేసుకున్నప్పటికీ తలెత్తి పైకి చూసేంత పొడుగ్గా ఉండాలి. ఇక రెండో క్వాలిటీ ఏంటంటే.. అతడు కచ్చితంగా తెలివైనవాడై ఉండాలి. మూడోది అండ్ చివరి క్వాలిటీ ఏంటంటే.. జీవితాన్ని బాధ్యతగా ఫీలయ్యే వాడై ఉండాలి.”

ప్రేమపై తనకు చాలా మంచి ఒపీనియన్ ఉందని, కానీ అంతకంటే మంచి ఒపీనియన్ పెళ్లిపై ఉందని చెబుతోంది రకుల్. ఎవరినైనా ప్రేమిస్తే అది జీవితకాలం నిలిచిపోయేలా ప్రేమించాలని చెబుతోంది.

“ప్రేమపై నాకు పూర్తి నమ్మకం ఉంది. అసలైన ప్రేమను నేను నా తల్లిదండ్రుల్లో చూస్తున్నాను. ప్రేమ అనేది నా దృష్టిలో టెంపరరీ కాదు. మనస్ఫూర్తిగా ఎవరినైనా ప్రేమిస్తాను.”

లాక్ డౌన్ టైమ్ లో ముంబయిలో ఇరుక్కున్న రకుల్, ఈమధ్యే గుర్గావ్ లోని తన సొంతింటికి వెళ్లింది. ప్రస్తుతం అక్కడే ఉంది.