త్వరలోనే సెట్స్ పైకి...

ప్రస్తుతం ‘రారండోయ్ వేడుక చూద్దాం’ సినిమాతో థియేటర్స్ లో సందడి చేస్తున్న అక్కినేని యంగ్ హీరో నాగచైతన్య.. మరో సినిమాను సెట్స్ పై పెట్టడానికి రెడీ అవుతున్నాడు. ప్రెజెంట్ కృష్ణ మరిముత్తు దర్శకత్వంలో యాక్షన్ థ్రిల్లర్ చేస్తున్న చైతు, ఈ సినిమా సెట్స్ పై ఉండగానే చందు మొండేటి డైరెక్షన్ లో తెరకెక్కే సినిమా కూడా స్టార్ట్ చేయాలని చూస్తున్నాడు.

ప్రస్తుతం స్క్రిప్ట్ వర్క్ పూర్తిచేసుకొని ప్రీ ప్రొడక్షన్ స్టేజ్ లో ఉన్న ఈ సినిమా మైత్రీ మూవీ మేకర్స్ బ్యానర్ పై తెరకెక్కనుంది. ‘ప్రేమమ్’ వంటి సూపర్ హిట్ సినిమా తర్వాత చైతూ-చందు కాంబోలో యాక్షన్ థ్రిల్లర్ గా  రూపొందనున్న ఈ సినిమా ఈ నెలలోనే సెట్స్ పైకి వచ్చే అవకాశం ఉంది.

చందు మొండేటితో చేయాల్సిన సినిమాను వీలైనంత తొందరగా పూర్తిచేసి బ్రేక్ తీసుకోవాలనుకుంటున్నాడు నాగచైతన్య.  అక్టోబర్ లో సమంతను పెళ్లాడబోతున్నాడు ఈ అక్కినేని హీరో. అందుకే సినిమాలకు ఓ 3 నెలల పాటు గ్యాప్ ఇవ్వాలని అనుకుంటున్నాడు. ఈలోగా అన్ని కమిట్ మెంట్స్ ను కంప్లీట్ చేయాలని భావిస్తున్నాడు.