న్యూయార్క్ లో మహేష్ బాబు ‘మహర్షి’

U.S. లో షూటింగ్ జరుపుకుంటుంది మహేష్ బాబు మహర్షి టీమ్. ప్రస్తుతం న్యూయార్క్ నగరంలో ఇంట్రెస్టింగ్ సీన్స్ ని తెరకెక్కించే ప్రాసెస్ లో ఉన్న ఫిలిమ్ మేకర్స్, U.S. కాన్సల్ జెనెరల్ కేథరిన్ బి. హడా ఇంట్లో షూటింగ్ జరుపుకుంటున్నారు. ఈ విషయాన్ని చాలా ఎగ్జైటెడ్ గా సోషల్ మీడియాలో పోస్ట్ చేసింది కేథరిన్.

2 నెలల భారీ షెడ్యూల్ ని U.S. లో ప్లాన్ చేసుకున్న మహర్షి టీమ్, పక్కా ప్లానింగ్ ప్రకారం, షూటింగ్ జరుపుకుంటున్నారు. సెప్టెంబర్ లో అమెరికాకి వచ్చిన మహేష్ బాబు & టీమ్, ఏ మాత్రం బ్రేక్ లేకుండా కంప్లీట్ ఫోకస్ ఫిల్మ్ మేకింగ్ పైనే పెట్టినట్టు తెలుస్తుంది. ఈ షెడ్యూల్ లో U.S. లోని మరిన్ని ఎగ్జోటిక్ లొకేషన్స్ లో సినిమాని తెరకెక్కించనున్నారు మేకర్స్.

వంశీ పైడిపల్లి డైరెక్షన్ లో తెరకెక్కుతున్న ఈ సినిమాలో అల్లరి నరేష్ ఇంపార్టెంట్ రోల్ లో నటించనున్నాడు. దిల్ రాజు, PVP తో పాటు అశ్వినిదత్ సంయుక్తంగా నిర్మిస్తున్న ఈ సినిమాకి దేవి శ్రీ ప్రసాద్ మ్యూజిక్ కంపోజర్. పూజా హెగ్డే హీరోయిన్ గా నటిస్తుంది.