మహేష్ కోసం మళ్లీ సింగర్ గా మారిన హీరోయిన్

సూపర్ స్టార్ మహేష్ బర్త్ డే గిఫ్ట్ రెడీ అయింది. రేపు ‘సర్కారు వారి పాట’ నుండి టైటిల్ సాంగ్ ను మహేష్ పుట్టిన రోజు బహుమతిగా రిలీజ్ చేయబోతున్నారు మేకర్స్.  తమన్ కంపోజ్ చేసిన ఈ సాంగ్ ను హీరోయిన్ శృతి హాసన్ తో పాడించారని తెలుస్తుంది.

మహేష్ ‘ఆగడు’ సినిమాలో “జంక్షన్ లో…” అనే సాంగ్ ను శృతి హాసన్ తో పాడించాడు తమన్. ఆ సాంగ్ అప్పట్లో బాగా పాపులర్ అయింది. అందుకే ఇప్పుడు మళ్ళీ ‘సర్కారు వారి పాట’ టైటిల్ సాంగ్ కోసం శృతిని రంగంలోకి దింపాడట తమన్.

రేపు ఏ టైం కి సాంగ్ రిలీజ్ చేసేది ఈరోజు సాయంత్రం కల్లా అనౌన్స్ మెంట్ ద్వారా తెలియజేయనున్నారు మేకర్స్. మరి మహేష్ పుట్టినరోజు సందర్భంగా విడుదలయ్యే ఈ సాంగ్ ఏ రేంజ్ లో హిట్టవుతుందో చూడాలి. మైత్రి మూవీ మేకర్స్, 14 రీల్స్ ప్లస్ సంయుక్తంగా నిర్మిస్తున్న ఈ సినిమాకు పరశురాం దర్శకుడు.