సాహో బాహుబలిని క్రాస్ చేస్తుందా?

తెలుగు, తమిళ, హిందీ, మలయాళ, కన్నడ భాషల్లో ఒకేసారి భారీ ఎత్తున విడుదలవుతోంది సాహో సినిమా. అంతేకాదు, రికార్డు స్థాయి థియేటర్లు కూడా దక్కాయి. మరోవైపు టిక్కెట్ రేట్లు కూడా పెరిగాయి. వీటికి తోడు భారీ అంచనాలు ఉండనే ఉన్నాయి. ఈ నేపథ్యంలో.. సాహో సినిమా బాహుబలి-2 వసూళ్లను అధిగమిస్తుందా అనే ఇంట్రెస్టింగ్ డిస్కషన్ షురూ అయింది.

బాహుబలి-2 వరల్డ్ వైడ్ వసూళ్లను క్రాస్ చేయడం సాధ్యం కాదనుకున్నారంతా. కానీ అమీర్ నటించిన దంగల్ మూవీ, బాహుబలి-2 వరల్డ్ వైడ్ వసూళ్లను క్రాస్ చేసింది. చైనాలో దంగల్ సూపర్ హిట్ అవ్వడంతో నంబర్-1 మూవీగా అవతరించింది. సో.. భారీ స్థాయిలో హిట్ అయితే తప్ప, సాహో సినిమా టాప్-5 రేసులో చేరడం కష్టం.

ప్రపంచవ్యాప్తంగా అత్యథిక వసూళ్లు (గ్రాస్) సాధించిన టాప్-5 సినిమాలేంటో చూద్దాం
దంగల్ – రూ. 2122 కోట్లు
బాహుబలి -2 – రూ. 1788 కోట్లు
పీకే – రూ. 792 కోట్లు
2.O – రూ. 723 కోట్లు
బాహుబలి – రూ. 650 కోట్లు

సాహో  ఈ లిస్ట్ లో ఏ స్థానానికి ఎగబాకుతుందో చూడాలి.