హాట్ టాపిక్: కమ్ముల డైరెక్షన్ లో సీనియర్ హీరో

కొన్ని కాంబినేషన్లు అభిమానులతో పాటు ప్రేక్షకులనూ సప్రయిజ్ చేస్తుంటాయి. ఇప్పుడు అలాంటి క్రేజీ కాంబినేషన్ ఒకటి హాట్ టాపిక్ అయింది. రెండు రోజులుగా విక్టరీ వెంకటేష్ తో శేఖర్ కమ్ముల సినిమా చేస్తాడనే ప్రచారం జరుగుతుంది. ఊహించని విధంగా తెరపైకొచ్చిన ఈ కాంబో అందర్ని సప్రయిజ్ చేసింది.

ప్రస్తుతం నాగచైతన్య , సాయి పల్లవి తో ‘లవ్ స్టోరీ’ సినిమా తీస్తున్న శేఖర్ కమ్ముల అదే నిర్మాతలతో నెక్స్ట్ ఓ సీనియర్ తో సినిమా చేయబోతున్నాడు. ఇటివలే ఆ విషయాన్ని ప్రకటించారు. కానీ ఆ సీనియర్ హీరో వెంకటేష్ అని, శేఖర్ కమ్ముల ఇటివలే వెంకీకి కథ చెప్పాడని ప్రచారం జరగడంతో ఈ కాంబో విషయంలో వెంకీ ఫ్యాన్స్ హ్యాపీగా ఫీలవుతున్నారు.

అయితే ఈ కాంబోలో సినిమా నిజంగానే వస్తుందా లేక ఇది ఉత్తుత్తి ప్రచారమేనా అన్నది తెలియాల్సి ఉంది. ఏదేమైనా విక్టరీ అభిమానులు మాత్రం ఈ కాంబోలో సినిమా వస్తే బాగుంటుందని కోరుకుంటున్నారు.