"గ్యాంగ్" టీజ‌ర్ రిలీజ్.. జనవరి 12న మూవీ రిలీజ్

జ్ఞానవేళ్ రాజా నిర్మాతగా సూర్య కథానాయకుడిగా విగ్నేష్ శివన్ దర్శకత్వంలో రూపొందించిన “తాన సెరంధ కూటమ్” అనే తమిళ చిత్రాన్ని తెలుగులో యు. వి. క్రియేషన్స్ బ్యానర్లో “గ్యాంగ్” పేరుతో స‌క్రాంతి సంద‌ర్బంగా జ‌న‌వరి 12న భారీగా రిలీజ్ చేస్తున్నారు. ఈ చిత్ర ఫస్ట్ లుక్ పోస్టర్ ఇటీవ‌లే విడుద‌ల‌ చేశారు. ఇప్ప‌డు ఫ‌స్ట్‌లుక్ టీజ‌ర్ ని విడుద‌ల చేశారు.

విడుద‌ల చేసిన కొన్ని గంట‌ల్లోనే ఈ టీజర్ కు మిలియ‌న్ వ్యూస్ చూడ‌టం.. రెండు ల‌క్ష‌ల లైక్స్ రావ‌టం విశేషం. ఈ చిత్రంలో కీర్తి సురేష్ హీరోయిన్ గా నటించింది. ర‌మ్య‌కృష్ణ, కార్తీక్ కీలక పాత్రలు పోషించారు. మ్యూజిక్ సెన్సేష‌న్ అనిరుథ్ సంగీతమందించాడు.

ఈ సినిమాకు సూర్య స్వయంగా డబ్బింగ్ చెప్పుకున్నాడు. టీజర్ లో సూర్య వాయిస్ అందర్నీ ఎట్రాక్ట్ చేస్తోంది. జనవరి 12, 2018న ఈ చిత్రాన్ని ప్రపంచవ్యాప్తంగా విడుదల చేస్తున్నట్టు యువి క్రియేషన్స్ నిర్మాతలు ప్రమోద్, వంశీ ప్రకటించారు.