దుమ్ముదులుపుతున్న శాతకర్ణి

తెలుగురాష్ట్రాల్లో ఒకేసారి వంద థియేటర్లలో లాంచ్ అయిన గౌతమీపుత్ర శాతకర్ణి ట్రయిలర్.. సోషల్ మీడియాలో దుమ్ముదులుపుతోంది. ఇప్పటికే ఈ ట్రయిలర్ కు అందరి నుంచి ట్రెమండస్ రెస్పాన్స్ వస్తోంది. అందుకు తగ్గట్టుగానే సోషల్ మీడియాలో ఈ సినిమా ట్రయిలర్ కు రికార్డు స్థాయి వ్యూస్ వస్తున్నాయి. విడుదలైన 5 గంటల్లోనే ఈ ట్రయిలర్ ను యూట్యూబ్ లో 10లక్షల మంది వీక్షించారు. 40వేల మందికి పైగా లైక్ చేశారు.

చారిత్రక నేపథ్యంతో తెరకెక్కుతున్న గౌతమీపుత్ర శాతకర్ణి సినిమాకు క్రిష్ దర్శకత్వం వహించాడు. భారీ బడ్జెట్ సినిమానే అయినప్పటికీ… అతితక్కువ టైం లో షూటింగ్ పూర్తిచేసి, అందరితో ప్రశంసలు అందుకున్నాడు క్రిష్. శ్రియ హీరోయిన్ గా నటించిన ఈ సినిమాకు చిరాాంతన్ భట్ సంగీతం అందించాడు. ఓ కీలకపాత్రలో బాలీవుడ్ మేటి నటి, డ్రీమ్ గాల్ హేమమాలిని నటించింది. సంక్రాంతి కానుకగా సినిమా థియేటర్లలోకి రానుంది.