మరోసారి శైలజతో రామ్...

2016ను రామ్ మరిచిపోలేడు. తెలుగు ప్రేక్షకులు కూడా మరిచిపోలేరు. ఏడాది స్టార్టింగ్ లో వచ్చిన మొట్టమొదటి సూపర్ హిట్ నేను శైలజ సినిమా. ఆ సినిమా రామ్ కెరీర్ ను స్పీడప్ చేసింది. చూస్తుండగానే ఏడాది గడిచిపోయింది. కానీ రామ్ మనసులో మాత్రం శైలజ అలానే ఉండిపోయింది. అందుకే కుదిరితే న్యూ ఇయర్ లో మరోసారి శైలజతో సినిమా చేయాలనుకుంటున్నాడు.

నేను శైలజ సినిమాతో కీర్తి సురేష్ ఇండస్ట్రీకి పరిచయం అయింది. అదే మూవీతో కిషోర్ తిరుమల కూడా దర్శకుడిగా తెలుగుతెరకు పరిచయమయ్యాడు. 2017లో కుదిరితే కిషోర్ తిరుమలతో మరో సినిమా చేయాలనుకుంటున్నాడు రామ్. ఆ సినిమాలో కూడా కీర్తి సురేశ్ నే హీరోయిన్ గా తీసుకోవాలనుకుంటున్నాడు. ప్రస్తుతం చర్చల దశలో ఉన్నఈ ప్రాజెక్టుపై జనవరి ఎండింగ్ లో పూర్తి క్లారిటీ వస్తుంది.