Rakul Preeth - వెబ్ మూవీ పూర్తిచేసిన హీరోయిన్

హీరోయిన్ గా ఫుల్ బిజీగా ఉన్న రకుల్ ఓ వెబ్ ఫిలిం చేస్తుంది. OTT కోసం తమిళ దర్శకుడు AL విజయ్ రూపొందిస్తున్న ఈ సినిమా షూటింగ్ ఇటివలే పూర్తయింది. చెన్నై లో కొన్ని రోజులు షూట్ చేసిన యూనిట్ తాజాగా హైదరాబాద్ గండిపేట్ లో కొన్ని కీలక సన్నివేశాలు తీశారు. నిన్నటి వరకు షూట్ జరిగింది. రకుల్ ప్రీత్ సింగ్ , విశ్వక్ సేన్ లపై సీన్స్ తీశారు. విశ్వక్ సేన్ ఇందులో అతిథి పాత్ర చేస్తున్నాడు. విద్యులేక రామన్ తో ఇంకా కొందరు నటీ నటులు ఇందులో నటిస్తున్నారు.

                  రకుల్ ప్రీత్

హాలోవెన్ నేపథ్యంలో హారర్ ఎలిమెంట్స్ తో ఆసక్తి కరంగా సాగే ఈ వెబ్ మూవీకి ‘అక్టోబర్ 31st లేడీస్ నైట్’ అనే టైటిల్ ఫిక్స్ చేశారు. ఇందులో రకుల్ పాత్ర చుట్టూనే కథ నడుస్తుంది. నాలుగైదు కథలను ఓకె కథగా చేర్చి ఈ OTT సినిమాను తెరకెక్కిస్తున్నాడట విజయ్. ఇప్పటికే ఓటిటి సంస్థతో ఒప్పందం అయిపొయింది. ప్రస్తుతం పోస్ట్ ప్రొడక్షన్ వర్క్ జరుపుకుంటున్న ఈ వెబ్ మూవీ రిలీజ్ డేట్ తో పాటు ఎందులో రిలీజ్ అయ్యేది త్వరలోనే ప్రకటించనున్నారు.

దిల్ రాజు బేనర్ ద్వారా ఈ వెబ్ మూవీ రిలీజ్ కానుందని సమాచారం. ఇక ఇటివలే సమంత నటించిన వెబ్ సిరీస్ ‘ఫ్యామిలీ మెన్’ మంచి సక్సెస్ అయ్యింది. మరి అదే బాటలో వెళ్తున్న రకుల్ ఈ వెబ్ మూవీతో ఎలాంటి హిట్ అందుకుంటుందో చూడాలి.

• – Follow us for Latest Telugu Zee Cinemalu News and upcoming trending stories, Gossips, Actress Photos and Special topics