నితిన్ సినిమాకు పవన్ టైటిల్

ఇన్నాళ్లూ పవన్ సినిమాలోని డైలాగ్స్ ను టైటిల్స్ గా పెట్టుకున్నాడు. పవర్ స్టార్ సినిమాలోని పాటల్ని రీమిక్స్ చేశాడు. ఇప్పుడు ఏకంగా పవన్ సినిమా పేరునే తన సినిమాకు టైటిల్ గా పెట్టేసే ప్లాన్ లో ఉన్నాడు నితిన్. కాకపోతే ఈ టైటిల్ ను కాస్త మారుస్తున్నాడు. పవన్ మొదటి సినిమా స్ఫూర్తితో అక్కడబ్బాయి-ఇక్కడమ్మాయి అనే టైటిల్ ను తాజాగా రిజిస్టర్ చేయించారు. త్రివిక్రమ్ ప్రొడక్షన్స్ బ్యానర్ పై ఈ సినిమా టైటిల్ రిజిస్టర్ అయింది.

ఈమధ్యే పవన్-త్రివిక్రమ్ నిర్మాతలుగా మారి నితిన్ హీరోగా ఓ సినిమాను ప్రారంభించారు. ఈ సినిమాకు కృష్ణ చైతన్య దర్శకత్వం వహించబోతున్నాడు. ఈ సినిమాకే అక్కడబ్బాయ్-ఇక్కడమ్మాయి అనే టైటిల్ పెట్టే ఛాన్సెస్ ఉన్నాయి. ఈ మూవీ ఇంకా సెట్స్ పైకి రాలేదు. ఫస్ట్ షెడ్యూల్ ప్రారంభమైన తర్వాత సినిమా టైటిల్ పై ఓ క్లారిటీ వస్తుంది.

నిజానికి పవన్ కల్యాణ్ తో ఓ సినిమా స్టార్ట్ చేస్తున్నాడు త్రివిక్రమ్. ఈ నెలాఖరుకు ఈ ప్రాజెక్టు సెట్స్ పైకి రానుంది. ఈ సినిమా కోసం అక్కడబ్బాయ్-ఇక్కడమ్మాయి అనే టైటిల్ ను రిజిస్టర్ చేయించారని అనుకున్నప్పటికీ.. ఆ వార్తల్ని త్రివిక్రమ్ తోసిపుచ్చాడు. పవన్ సినిమాకు వేరే టైటిల్ పెడతామని ప్రకటించాడు.