"మాయాబజార్ ఫర్ సేల్" ట్రైల‌ర్ లాంచ్ 

వైవిధ్య‌మైన కంటెంట్‌ను ప‌లు భాష‌ల్లో అందిస్తూ త‌నదైన మార్క్ క్రియేట్ చేసి దూసుకెళ్తోన్న డిజిటల్ మాధ్యమం జీ 5 త్వరలోనే ‘మాయాబజార్ ఫర్ సేల్’  అనే స‌రికొత్త మ‌ల్టీస్టార‌ర్ తెలుగు వెబ్ ఒరిజిన‌ల్‌ను అందించనుంది. వివిధ కథ, కథనాల ద్వారా సెటైరికల్ డ్రామాగా రూపొందుతోన్న ‘మాయాబజార్ ఫర్ సేల్’ వెబ్ సిరీస్ గేటెడ్ కమ్యూనిటీలోని కుటుంబాలకు సంబంధించిన ఆస‌క్తిక‌ర‌మైన అంశాల‌తో రూపొందుతోంది. జీ 5తో పాటు రానా ద‌గ్గుబాటికి సంబంధించిన స్పిరిట్ మీడియా బ్యాన‌ర్ క‌లిసి సునిశిత‌మైన‌, హృద్య‌మైన డ్రామాగా మాయాబ‌జార్ ఫ‌ర్ సేల్‌ను రూపొందిస్తున్నారు. ఇదొక గేటెడ్ క‌మ్యూనిటీలోని కుటుంబాల చుట్టూ తిరుగుతుంది. గౌత‌మి చిల్ల‌గుల్ల ద‌ర్శ‌క‌త్వం వ‌హించారు. ఈ సిరీస్ జూలై 14 నుంచి జీ 5లో స్ట్రీమింగ్ అవుతుంది. ఆదివారం ‘మాయాబజార్ ఫర్ సేల్’ వెబ్ సిరీస్ ట్రైల‌ర్‌ను మేక‌ర్స్ విడుద‌ల చేశారు.

ఈ కార్య‌క్రమంలో జీ 5 వైస్ ప్రెసిడెంట్‌..సౌత్ కంటెంట్ హెడ్ సాయితేజ్ దేశ్‌రాజ్‌, స్పిరిట్ మీడియా రాజీవ్ రంజ‌న్‌, డైరెక్ట‌ర్ గౌత‌మి, డా. న‌రేష్ వి.కె, ఝాన్సీ, రాజా చెంబోలు, సునైన‌, అదితి, ర‌విరాజ్,  త‌దిత‌రులు పాల్గొన్నారు.
ర‌విరాజ్ మాట్లాడుతూ ‘‘డైరెక్ట‌ర్ గౌత‌మిగారికి థాంక్స్‌. నరేష్‌గారు, ఝాన్సీగారు వంటి యాక్ట‌ర్స్‌తో క‌లిసి న‌టించ‌టం మ‌ర‌చిపోలేని ఎక్స్‌పీరియెన్స్‌. జీ5లో ఇది నాకు రెండ‌వ వెబ్ సిరీస్‌. ఇంత‌కు ముందు ఏటీఎం అనే వెబ్ సిరీస్‌లో న‌టించాను. జూలై 14న ‘మాయాబజార్ ఫర్ సేల్’ స్ట్రీమింగ్ అవుతుంది. మిస్ కావొద్దు’’ అన్నారు.

అదితి మాట్లాడుతూ ‘‘అవకాశం ఇచ్చిన గౌత‌మికి థాంక్స్‌. ఫ్యామిలీ అంతా క‌లిసి చూసి ఎంజాయ్ చేసేలా ‘మాయాబజార్ ఫర్ సేల్’ సిరీస్ ఉంటుంది. కాబ‌ట్టి త‌ప్ప‌కుండా చూడండి’’ అన్నారు.

సునైన మాట్లాడుతూ ‘‘జూలై 14 నుంచి జీ 5లో స్ట్రీమింగ్ కాబోతున్న ‘మాయాబజార్ ఫర్ సేల్’  అందరికీ క‌నెక్ట్ అవుతుంది. డైరెక్ట‌ర్ గౌత‌మికి స‌దా రుణ‌ప‌డి ఉంటాను. నా అరుపులు ట్రైల‌ర్‌లో చూశారు. నా ఆవేద‌న‌ను రేపు స్క్రీన్‌పై చూశారు. అంద‌రూ క‌లిసి చూసేలా ‘మాయాబజార్ ఫర్ సేల్’  ఉంటుంది’’ అన్నారు.

రాజా చెంబోలు మాట్లాడుతూ ‘‘జీ 5, స్పిరిట్ మీడియాకు థాంక్స్. ‘మాయాబజార్ ఫర్ సేల్’  సిరీస్ ఎంతో స్పెష‌ల్‌. ఎందుకంటే చూసిన ఆడియెన్స్ ఎక్క‌డో ఓ చోట క‌నెక్ట్ అవుతారు. న‌రేష్‌గారు, ఝాన్సీగారు, సునైన‌, డైరెక్ట‌ర్ గౌత‌మిగారు ఇలా మంచి టీమ్‌తో క‌లిసి ప‌ని చేసే అవ‌కాశం ద‌క్కింది. జూలై 14న సిరీస్‌ను జీ5లో చూడండి’’ అన్నారు.

ఝాన్సీ మాట్లాడుతూ ‘‘జీ 5లో ఆడియెన్స్ మంచి వెబ్ సిరీస్‌ల‌ను చూస్తూ ఎంజాయ్ చేస్తున్నారు. ఇప్పుడు అలాగే ‘మాయాబజార్ ఫర్ సేల్’ ను ఎంజాయ్ చేస్తారు. తెలుగు సినిమాల్లో ‘హనుమాన్ జంక్షన్’ అనే సినిమా ఎలాంటి కామెడీని క్రియేట్ చేసి గుర్తుండిపోయిందో అలాగే ‘మాయాబజార్ ఫర్ సేల్’  న‌భూతో న‌భ‌విష్య‌త్ అనేలా ఉంటుంది. ఈ ద‌శాబ్దానికే కాదు.. రాబోయే రెండు ద‌శాబ్దాల‌కు కూడా ఇలాంటి కామెడీ ఉన్న వెబ్ సిరీస్ మ‌రోటి రాదు. రానాగారి స్పిరిట్ మీడియా, జీ 5 కాంబోలో వ‌స్తున్న ఈ సినిమా ఆక‌ట్టుకుంటుంది. అంద‌రూ నిరుత్సాహంగా ఉన్న‌ప్పుడు ‘మాయాబజార్ ఫర్ సేల్’ ను చూస్తే తెలియని ఉత్సాహం వ‌స్తుంది. జూలై 14న జీ 5లో స్ట్రీమింగ్ అవుతుంది’’ అన్నార‌.

డైరెక్ట‌ర్ గౌత‌మి చిల్ల‌గుల్ల మాట్లాడుతూ ‘‘మెయిన్ సిటీలో నుంచి విల్లాస్‌లోకి మారినప్పుడు నాకైతే ఏమీ అర్థం కాలేదు. నాలాగే చాలా మందికి ఆ ఫీలింగ్ ఉంటుంది. ఇక ‘మాయాబజార్ ఫర్ సేల్’  విష‌యానికి వ‌స్తే.. దీనికి కావాల్సిన కంటెంట్ అంతా మా వాట్స‌ప్ గ్రూపు నుంచే వ‌చ్చేసింది. ప్ర‌తి ఫ్యామిలీలో ఎమోష‌న్స్ కామ‌న్‌గా ఉంటాయి. గేటెడ్ క‌మ్యూనిటీ అనేది ఓ జాయింట్ ఫ్యామిలీలా ఉంటుంది. ప్ర‌తి ఒక్క‌రూ ఎక్క‌డో క‌నెక్ట్ అవుతారు. స్టేజ్‌పై ఉన్న ఆర్టిస్టులే కాకుండా చాలా మంది ఆర్టిస్టులుంటారు. జంధ్యాల‌గారి స్ఫూర్తిగా తీసుకుని క్యారెక్ట‌ర్ రాశాను. జూలై 14 నుంచి ‘మాయాబజార్ ఫర్ సేల్’  జీ 5లో స్ట్రీమింగ్ కానుంది. చూసి ఎంజాయ్ చేయండి’’ అన్నారు.