హ్యాట్రిక్ కోసం ప్రయత్నిస్తున్న హిట్ పెయిర్

ఇప్పటికే వరుసగా రెండు హిట్స్ అందుకున్నారు. హిట్ పెయిర్ గా ఫుల్ క్రేజ్ వచ్చేసింది. ఇంకొక్క హిట్ కూడా తగిల్తే హిట్ పెయిర్ గా హ్యాట్రిక్ కొట్టడం ఖాయం. ప్రస్తుతం అదే పని మీద ఉన్నారు నాని-నివేత. ముచ్చటగా మూడోసారి కలిసి నటించేందుకు ప్రిపేర్ అవుతున్నారు.

జెంటిల్ మేన్ సినిమాతో కలిసిన ఈ జంట.. తాజాగా నిన్నుకోరి మూవీతో మరో సక్సెస్ అందుకుంది. ఈ సినిమాతో నటిగా నివేత మరోసారి అందరి దృష్టిలో పడింది. నివేత టాలెంట్ చూసిన నాని తనకు మరోసారి అవకాశం ఇవ్వాలని ఫిక్స్ అయ్యాడు. త్వరలోనే మేర్లపాక గాంధీ దర్శకత్వంలో ఓ సినిమా చేయబోతున్నాడు నేచురల్ స్టార్. ఈ సినిమాలో నివేతను హీరోయిన్ గా తీసుకోవాలని అనుకుంటున్నారు.

మేర్లపాక గాంధీ-నాని సినిమాను మరికొన్ని రోజుల్లో అఫీషియల్ గా ఎనౌన్స్ చేశారు. ప్రస్తుతం ఎంసీఏ మూవీ చేస్తున్నాడు నాని. అది కంప్లీట్ అయిన వెంటనే గాంధీ సినిమా ఉంటుంది. సినిమా సెట్స్ పైకి వచ్చిన వెంటనే హీరోయిన్ పై క్లారిటీ వస్తుంది.