నాకేం భయం అంటున్నాడు

అల్లరోడికి ధైర్యం వచ్చేసింది.. అదేంటి అల్లరోడికి దైర్యం రావడమేంటి? అనుకుంటున్నారా? అవునండీ. అల్లరి నరేష్ ప్రస్తుతం దైర్యంగా థియేటర్స్ కు రావడానికి రెడీ అవుతున్నాడు.

అల్లరి నరేష్ హీరోగా నటించిన లేటెస్ట్ సినిమా ‘ఇంట్లో దెయ్యం నాకేం భయ్యం’. పెద్ద నోట్ల రద్దుతో పోస్ట్ ఫోన్ అయిన మొదటి సినిమా ఇదే. ఈ సినిమా తరువాత కొన్ని బడా సినిమాలు సైతం విడుదలను పోస్ట్ ఫోన్ చేసుకొని వెనుతిరిగాయి. అయితే టాలీవుడ్ హీరోలందరికీ నిఖిల్ ‘ఎక్కడికి పోతావు చిన్నవాడా’ సినిమా కలెక్షన్స్ తో ధైర్యం రావడంతో వరుసగా డిసెంబర్ లో సినిమా సందడి మొదలైంది. ఇక ఈ సినిమా తరువాత వరుసగా సినిమాలు విడుదల అవుతుండడం కలెక్షన్స్ పరవాలేదనిపిస్తుండడం తో అల్లరోడు కూడా రెడీ అవుతున్నాడు. ప్రస్తుతం ఈ సినిమాను డిసెంబర్ మూడో వారంలో  విడుదల చెయ్యడానికి సన్నాహాలు చేస్తున్నారు మేకర్స్.  హారర్ కామెడీ జోనర్ లో అల్లరినరేష్ చేసిన మొదటి సినిమా ఇదే.