నిఖిల్ కొత్త సినిమా లాంఛ్

దసరా సందర్భంగా కొత్త సినిమా లాంఛ్ చేశాడు నిఖిల్. కేవలం సినిమాకు కొబ్బరికాయ కొట్టి ఊరుకోలేదు. తన సినిమా టైటిల్ పోస్టర్ ను కూడా లాంఛ్ చేశాడు. అవును.. నిఖిల్ కొత్త సినిమా పేరు శ్వాస. ఈరోజు ఈ సినిమా ఓపెనింగ్ గ్రాండ్ గా జరిగింది.

రెడ్ స్కై ఎంటర్ టైన్ మెంట్స్ బ్యానర్ పై కొత్త నిర్మాతలు తేజ్ అప్పలపాటి, హరి నికేష్ రెడ్డి నిర్మిస్తున్న ఈ సినిమాతో కిషన్ కట్టా దర్శకుడిగా పరిచయం అవుతున్నాడు. ఈ మూవీ ఓపెనింగ్ కు శర్వానంద్, క్రిష్, నరేష్ ప్రత్యేక అతిథులుగా హాజరయ్యారు. శర్వానంద్ క్లాప్ కొట్టాడు.

ఈ సినిమాలో నిఖిల్ సరసన నివేత థామన్ హీరోయిన్ గా నటించనుంది. ఓపెనింగ్ కు ఆమె కూడా హాజరై ప్రత్యేక ఆకర్షణగా నిలిచింది. సినిమాకు సంగీత దర్శకుడు ఎవరనే విషయాన్ని ఇంకా కన్ ఫర్మ్ చేయలేదు.