Manchi Rojulu Vachai - మారుతి కొత్త సినిమా ఫస్ట్ లుక్ రిలీజ్

Maruthi’s Manchi Rojulu Vachai Movie 1st look released

యువీ కాన్సెప్ట్స్, మాస్ మూవీ మేకర్స్ సంయుక్తంగా వరస విజయాలతో దూసుకుపోతున్న దర్శకుడుమారుతి రూపొందిస్తున్న కొత్త సినిమా మంచి రోజులు వచ్చాయి. ఏక్ మినీ కథ సినిమాతో సూపర్ హిట్ అందుకున్న యువ హీరో సంతోష్ శోభన్ ఈ చిత్రంలో మెయిన్ లీడ్ చేస్తున్నారు. మహానుభావుడు లాంటి సూపర్ హిట్ సినిమా తర్వాత మారుతి కాంబినేషన్‌లో మెహ్రీన్ కౌర్ ఫిర్జాదా హీరోయిన్‌గా నటిస్తున్నారు.

ఈ సినిమాను వి సెల్యులాయిడ్, SKN నిర్మిస్తున్నారు. టాక్సీవాలా తర్వాత ఈయన నిర్మాణంలో వస్తున్న సినిమా ఇది. మారుతి, యూవీ సంస్ధ‌, SKN అంటే సూపర్ హిట్ కాంబినేషన్. ఈ కాంబోలో ఇప్పుడు మంచి రోజులు వచ్చాయి సినిమా రాబోతుంది. ఏక్ మినీ కథ లాంటి హిట్ సినిమాను నిర్మించిన యూవీ కాన్సెప్ట్స్ తో మరోసారి జోడీ కట్టాడు సంతోష్ శోభన్.

తాజాగా ఈ సినిమా ఫస్ట్ లుక్ విడుదలైంది. దీనికి ప్రేక్షకుల నుంచి అద్భుతమైన స్పందన వస్తుంది. సాయి శ్రీరామ్ సినిమాటోగ్రఫీ అందిస్తున్న ఈ చిత్రానికి అనూప్ రూబెన్స్ సంగీతం అందిస్తున్నారు. మిగిలిన వివరాలు దర్శక నిర్మాతలు త్వరలోనే తెలియజేయనున్నారు. మరో షెడ్యూల్ లో సినిమా టోటల్ షూటింగ్ పూర్తిచేయబోతున్నారు. ఆ తర్వాత విడుదల తేదీని ప్రకటిస్తారు.

ప్రతి రోజూ పండగే తర్వాత మారుతి కెరీర్ లో అనుకోకుండా గ్యాప్ వచ్చేసింది. వెంటనే ఓ సినిమాను సెట్స్ పైకి తీసుకురావాలనుకున్నాడు. కానీ అది సాధ్యం కాలేదు. అంతలోనే కరోనా ఫస్ట్ వేవ్, సెకెండ్ వేవ్ చుట్టుముట్టాయి. అలా ఊహించని విధంగా గ్యాప్ తీసుకున్న ఈ దర్శకుడు.. లాక్ డౌన్ టైమ్ లోనే 2-3 స్టోరీలు సిద్ధం చేసుకున్నాడు. అందులో ఒక కథతో ఇలా మంచి రోజులు వచ్చాయి అనే సినిమాను తెరకెక్కిస్తున్నాడు. ఈ సినిమాతో ఇటు టాలీవుడ్ తో పాటు అటు సినిమా యూనిట్ కు కూడా మంచి రోజులు రాబోతున్నాయి

టెక్నికల్ టీం:
కథ, స్క్రీన్ ప్లే, దర్శకుడు: మారుతి
నిర్మాత: వి సెల్యూలాయిడ్, SKN
బ్యానర్స్: యువీ కాన్సెప్ట్స్, మాస్ మూవీ మేకర్స్
సినిమాటోగ్రఫీ: సాయి శ్రీరామ్
సంగీతం: అనూప్ రూబెన్స్
పిఆర్ఓ: ఏలూరు శ్రీను, మేఘ శ్యామ్

• – Follow us for Latest Telugu Zee Cinemalu News and upcoming trending stories, Gossips, Actress Photos and Special topics