Chiranjeevi Acharya - లేటెస్ట్ అప్ డేట్స్
Monday,May 24,2021 - 10:47 by Z_CLU
మెగాస్టార్ చిరంజీవి, మెగాపవర్ స్టార్ రామ్ చరణ్ హీరోలుగా నటిస్తున్న మల్టీస్టారర్ మూవీ ఆచార్య సినిమాకు సంబంధించి ఒకేసారి బోలెడన్ని అప్ డేట్స్ వచ్చాయి. అవేంటో వరుసగా చూసేద్దాం.
⇒ ఆచార్య షూటింగ్ ఇంకా 10-12 రోజులు మాత్రమే బ్యాలెన్స్ ఉంది. షూటింగ్స్ ఎప్పుడు మొదలైతే అప్పుడు ఆ 10 రోజుల షూట్ కంప్లీట్ చేసి, గుమ్మడికాయ కొట్టేస్తారు
⇒ సెకెండ్ సింగిల్ రెడీ అయింది. త్వరలోనే మంచి టైమ్ చూసి రిలీజ్ చేస్తారు. రామ్ చరణ్, పూజాహెగ్డేపై తీసిన రొమాంటిక్ సాంగ్ ఇది. టోటల్ సినిమాకే ఇది హైలెట్ అంటున్నారు.
⇒ అంతా అనుకుంటున్నట్టు సినిమాలో చరణ్ 25 నిమిషాలు మాత్రమే కనిపించడు. దాదాపు ఆచార్య సెకండాఫ్ మొత్తం చరణ్ కనిపిస్తాడు.
⇒ సినిమాకు మెయిన్ ఎమోషన్ చరణ్ చేసిన సిద్ధ పాత్ర. ఇంకా చెప్పాలంటే కథ మొత్తం సిద్ధ చుట్టూనే తిరుగుతుంది. సిద్ధ లేకపోతే ఆచార్య లేదు.
⇒ ఈ సినిమాలో చిరు-చరణ్ తండ్రికొడుకులుగా నటించడం లేదు. వాళ్ల పాత్రల మధ్య బ్లడ్ రిలేషన్ ఉండదు.
⇒ సినిమాకు టెంపుల్ సెట్ మరో హైలెట్. సినిమాలో చరణ్, చిరంజీవి ఎంతలా ఎట్రాక్ట్ చేస్తారో.. టెంపుల్ టౌన్ అంతే ఎట్రాక్ట్ చేస్తుంది. నిజం చెప్పాలంటే సినిమా చూస్తున్నప్పుడు అది సెట్ అనే ఫీలింగ్ కలగదు. కథలో కలిసిపోతుంది.
⇒ బజ్ కోసం చరణ్ ను పెట్టలేదు. సినిమాలో సిద్ధ పాత్రకు ఓ స్టార్ కావాలి. అందుకే చరణ్ ను తీసుకున్నాం. చరణ్ క్యారెక్టర్ ఎమోషన్ తోనే సినిమా స్టార్ట్ అవుతుంది.
- – Follow Us for Latest Telugu Zee Cinemalu News and upcoming trending stories, Gossips, Actress Photos and Special topics