Jagapathi Babu doing a special role in #Gopichand30

ఈ ఏడాది జులై తో గోపీచంద్ -జగపతి బాబు కాంబినేషన్ లో వచ్చిన 'లక్ష్యం' రిలీజై పదిహేనేళ్ళవ్వనుంది. 2007 లో విడుదలై సూపర్ హిట్టయిన ఈ సినిమాకు శ్రీ వాస్ డైరెక్టర్. ఆ సినిమా తర్వాత గోపీచంద్ -శ్రీవాస్ కలిసి 'లౌక్యం' సినిమా చేశారు. మళ్ళీ ఇప్పుడు  శ్రీవాస్ డైరెక్షన్ లో గోపీచంద్ మూడవ సినిమా చేస్తున్నాడు. #Gopichand30 గా తెరకెక్కనున్న ఈ సినిమా కాన్సెప్ట్ పోస్టర్ ఇటివలే రిలీజ్ చేశారు. హైదరాబాద్ నుండి కలకత్తాకి లింక్ ఉండే కథ అన్నట్టుగా హింట్ ఇచ్చారు. తాజాగా రెండు రోజులు షూట్ చేశారు. ఈ నెల ఇరవై నుండి షెడ్యుల్ స్టార్ట్ స్టార్ట్ అవ్వనుంది.  మైసూర్ , కలకత్తా , హైదరాబాద్ లో షెడ్యుల్స్ జరగనున్నాయి.

ఈ సినిమాకు సంబంధించి తాజాగా ఓ అప్ డేట్ ఇచ్చారు మేకర్స్. సినిమాలో జగపతి బాబు ఓ కీలక పాత్ర చేయనున్నట్లు తెలిపారు. గోపీచంద్ -జగపతి బాబు -శ్రీవాస్ కాంబినేషన్ లో 'లక్ష్యం' సినిమా వచ్చిన సంగతి తెలిసిందే. మళ్ళీ ఇన్నాళ్ళకి పదిహేనేళ్ళ తర్వాత ఈ కాంబోలో సినిమా రానుంది. అయితే సినిమాలో జగ్గుబాయి రోల్ ఏంటనేది ఇంకా చెప్పలేదు మేకర్స్.

'లక్ష్యం'లో గోపీచంద్ కి అన్నయ్యగా పవర్ ఫుల్ పోలీసాఫీసర్ గా కనిపించదు జగపతి బాబు. మరి ఇందులో ఎలాంటి రోల్ చేయబోతున్నాడనేది తెలియాల్సి ఉంది. ఈ సినిమాకు ఇంకా హీరోయిన్ ఫిక్స్ అవ్వలేదు. త్వరలోనే హీరోయిన్ ని ఫైనల్ చేసి మరో అప్డేట్ ఇవ్వనున్నారు.