Allu Arjun recovers from Corona

ఐకాన్ స్టార్ అల్లు అర్జున్ కరోనా నుంచి కోలుకున్నాడు. క్వారంటైన్ నుంచి బయటకొచ్చాడు. తను వైరస్ నుంచి పూర్తిగా కోలుకున్నట్టు ప్రకటించాడు బన్నీ.

15 రోజుల క్వారంటైన్ తర్వాత తన రూమ్ నుంచి బయటకొచ్చాడు బన్నీ. ఆప్యాయంగా తన పిల్లల్ని కౌగిలించుకున్నాడు. దానికి సంబంధించిన వీడియో ప్రస్తుతం ఇంటర్నెట్ లో వైరల్ అవుతోంది.

ఇవాల్టి నుంచి మొదలైన లాక్ డౌన్ వల్ల తెలంగాణలో కరోనా కేసులు తగ్గుముఖం పట్టొచ్చంటున్నాడు బన్నీ. తన కోసం ప్రార్థించిన అందరికీ థ్యాంక్స్ చెప్పాడు.

ప్రస్తుతం పుష్ప సినిమా చేస్తున్నాడు అల్లు అర్జున్. సుకుమార్ దర్శకత్వంలో తెరకెక్కుతున్న ఈ సినిమా షూటింగ్ లోనే బన్నీకి కరోనా ఎఫెక్ట్ అయింది. దీంతో షూటింగ్ ఆగిపోయింది.

లాక్ డౌన్ ఎత్తేసిన వెంటనే మళ్లీ పుష్ప షూట్ లో జాయిన్ అవుతాడు అల్లు అర్జున్. బాహుబలి టైపులో 2 భాగాలుగా వస్తున్న ఈ సినిమాలో, మొదటి భాగాన్ని అక్టోబర్ లో రిలీజ్ చేయాలని ప్లాన్ చేస్తున్నారు.

• - Follow Us for Latest Telugu Zee Cinemalu News and upcoming trending stories, Gossips, Actress Photos and Special topics