Gandeevadhari Arjuna సెన్సార్ పూర్తి చేసుకున్న వరుణ్ మూవీ

Action Entertainer ‘Gandeevadhari Arjuna’ completes censor formalities with crisp runtime

 వైవిధ్య‌మైన జోన‌ర్స్ క‌థాంశాల‌తో సినిమాలు చేయ‌టానికి ఎప్పుడూ ముందుండే హీరోల్లో మెగా ప్రిన్స్ వ‌రుణ్ తేజ్ ఒక‌రు. వరుణ్ ప్ర‌తీ సినిమాకు త‌న విల‌క్ష‌ణ‌త‌ను చూపిస్తూనే వ‌స్తున్నారు. తాజాగా మెగా ప్రిన్స్ న‌టించిన యాక్ష‌న్ అండ్ ఎమోష‌న‌ల్‌ థ్రిల్ల‌ర్ ‘గాండీవ‌ధారి అర్జున’. స్టైలిష్ ఫిల్మ్ మేక‌ర్ ప్ర‌వీణ్ స‌త్తారు సినిమాను తెర‌కెక్కించారు. రీసెంట్‌గా విడుద‌లైన ట్రైల‌ర్‌లో గూజ్ బంప్స్ తెప్పించే యాక్ష‌న్ స‌న్నివేశాలను చూసి ప్రేక్ష‌కులు ఎట్రాక్ట్ చేశారు. సినిమాను ప్ర‌పంచ వ్యాప్తంగా ఆగ‌స్ట్ 25న గ్రాండ్ రిలీజ్ చేయ‌టానికి స‌న్నాహాలు చేస్తున్నారు. ట్రైల‌ర్, సాంగ్ రిలీజ్ త‌ర్వాత సినిమాపై ఎక్స్‌పెక్టేష‌న్స్ పెరిగాయి.

తాజాగా ‘గాండీవ‌ధారి అర్జున’ సెన్సార్ కార్య‌క్ర‌మాల‌ను పూర్తి చేసుకుని యు/ఎ స‌ర్టిఫికేట్‌ను పొందింది. 2 గంట‌ల 18 నిమిషాలుగా మేక‌ర్స్ ఈ సినిమా ర‌న్‌టైమ్‌ను లాక్ చేశారు. సినిమాను చూసిన సెన్సార్ స‌భ్యులు చిత్ర యూనిట్‌ను అభినందించారని సమాచారం. ఆక‌ట్టుకునే యాక్ష‌న్ సీక్వెన్స్‌ల‌తో పాటు సినిమాలోని మంచి మెసేజ్ ప్రేక్ష‌కుల‌ను ఆక‌ట్టుకుంటుంద‌ని మేక‌ర్స్ కాన్ఫిడెంట్‌గా ఉన్నారు.

వ‌రుణ్ తేజ్ స‌ర‌స‌న సాక్షి వైద్య హీరోయిన్‌గా న‌టిస్తుంది. నాజ‌ర్‌, విమ‌లా రామ‌న్ ఇత‌ర కీల‌క పాత్ర‌ల్లో న‌టిస్తున్నారు. ప్ర‌ముఖ నిర్మాణ సంస్థ శ్రీ వెంక‌టేశ్వ‌ర సినీ చిత్ర బ్యాన‌ర్‌పై బి.వి.ఎస్‌.ఎన్‌.ప్ర‌సాద్ ఈ చిత్రాన్ని నిర్మించారు. మిక్కీ జె.మేయ‌ర్ సంగీతం అందించిన ఈ సినిమాకు ముఖేష్ సినిమాటోగ్రాప‌ర్‌గా అవినాస్ కొల్ల ఆర్ట్ డైరెక్ట‌ర్‌గా వ‌ర్క్ చేశారు.