DJ Tillu - సీక్వెల్ ఉంటుందంటున్న హీరో

A Sequel to DJ Tillu –  Says Siddhu Jonnalagadda

ప్రెజెంట్ యూత్ ఆడియన్స్ అంతా ఎదురుచూస్తున్న సినిమా DJ TILLU. ట్రైలర్ తో మంచి ఎక్స్ పెక్టేషన్స్ పెంచేసిన ఈ సినిమా ఫిబ్రవరి 12న థియేటర్స్ లోకి ఎంట్రీ ఇస్తోంది. సిద్దు జొన్నలగడ్డ హీరోగా విమల్ కృష్ణ దర్శకత్వంలో తెరకెక్కిన ఈ సినిమా రిలీజ్ కి ముందే మరో ఇంట్రెస్టింగ్ అప్ డేట్ ఇచ్చాడు హీరో. ఈ సినిమాకు సీక్వెల్ కూడా ఉందంటూ చెప్పుకున్నాడు. ఫ్రాంచైజీ చేసే స్కోప్ ఈ కథకి ఉందంటూ తెలిపాడు. అయితే DJ టిల్లు రిజల్ట్ మీద తాము ఫుల్ కాన్ఫిడెంట్ గా ఉన్నామని ఆ సినిమా సక్సెస్ సాధించాక కచ్చితంగా సీక్వెల్ ఉంటుందని చెప్పాడు.

ఇక DJ టిల్లు కథను లాక్ డౌన్ టైంలో రాసుకున్నామని , దర్శకుడు విమల్ తో కలిసి ఈ కథను తాయారు చేశామని డైలాగ్స్ మాత్రం తనే రాసుకున్నానని తెలిపాడు. ప్రేమకథకు క్రైం ఇన్సిడెంట్ జోడించి ఈ కథను రెడీ చేశామని, హీరోయిన్ చుట్టూ తిరిగే కథ అయినప్పటికీ బ్యాలెన్స్ గా చేసుకుంటూ వెళ్లాం. కచ్చితంగా సినిమా అందరికీ నచ్చుతుందని చెప్పగలను అన్నాడు. అలాగే సితార ఎంటర్టైన్ మెంట్ లోనే ఇంకో సినిమా చేస్తున్నాని , ఆ సినిమా షూటింగ్ స్టేజిలో ఉందని తెలిపాడు. అలాగే మరో మూడు సినిమాలు లైన్లో ఉన్నట్లు చెప్పుకున్నాడు కుర్ర హీరో. మరి DJ TILLU సీక్వెల్ ఉంటుందా లేదా అనేది ఆ సినిమా రిజల్ట్ పై ఆధారపడి ఉంది.

• – Follow us for Latest Telugu Zee Cinemalu News and upcoming trending stories, Gossips, Actress Photos and Special topics