Nani Venu Sriram Combination on Cards

ఇటివలే పవర్ స్టార్ పవన్ కళ్యాణ్ తో 'వకీల్ సాబ్' సినిమా తీసిన దర్శకుడు శ్రీరామ్ వేణు నెక్స్ట్ నానితో సినిమా చేసేందుకు సిద్దమవుతున్నాడు. అవును ఇటివలే నానికి ఓ లైన్ చెప్పి ప్రాజెక్ట్ ఫైనల్ చేసుకున్నాడట శ్రీరామ్. ప్రస్తుతం స్క్రిప్ట్ కి ఫైనల్ టచ్ ఇచ్చి వర్క్ చేస్తున్నాడని సమచారం. మొన్నటి వరకు శ్రీరామ్ నెక్స్ట్ బన్నీ తో 'ఐకాన్' సినిమా చేస్తాడనే ప్రచారం జరిగింది. ఆ సినిమా ఇంకా ఆలస్యం అవుతుండటంతో ఈ లోపు నానితో సినిమా చేయాలని ఫిక్స్ అయ్యాడట శ్రీరామ్ వేణు.

ప్రస్తుతం నాని చేతిలో రెండు సినిమాలున్నాయి. రాహుల్ సంక్రిత్యన్ తో 'శ్యామ్ సింగ రాయ్' సినిమా చేస్తున్న నాని మరో వైపు వివేక్ ఆత్రేయతో 'అంటే సుందరానికి' సినిమా మొదలు పెట్టాడు. ఈ రెండు సినిమాలు పూర్తి చేసి శ్రీరామ్ వేణుతో సినిమా చేస్తాడని అంటున్నారు. నాని, శ్రీరామ్ వేణు కాంబినేషన్ లో వచ్చిన 'MCA' సూపర్ హిట్ సాధించి మంచి వసూళ్ళు రాబట్టింది. మరి ఈసారి ఈ కాంబో ఎలాంటి సినిమాతో ప్రేక్షకుల ముందుకొస్తుందో చూడాలి.

త్వరలోనే ఈ కాంబో సినిమా నుండి ఎనౌన్స్ మెంట్ రానుందని సమాచారం. ఈ సినిమాను శ్రీ వెంకటేశ్వర క్రియేషన్స్ బేనర్ పై దిల్ రాజు నిర్మించే అవకాశం ఉంది. త్వరలోనే ఈ సినిమా డీటెయిల్స్ బయటికి రానున్నాయి.

• - Follow us for Latest Telugu Zee Cinemalu News and upcoming trending stories, Gossips, Actress Photos and Special topics