Mythri Movie Makers has launched two films today !

'ఉప్పెన' సినిమాతో మరో బ్లాక్ బస్టర్ హిట్ ను ఖాతాలో వేసుకున్న మైత్రి మూవీ మేకర్స్ బ్యానర్ లో తాజాగా మరో రెండు సినిమాలు మొదలయ్యాయి. కళ్యాణ్ రామ్ హీరోగా రాజేంద్ర అనే కొత్త దర్శకుడితో సినిమాను తెరకెక్కించబోతున్న మైత్రి నిర్మాతలు ఆ సినిమాతో పాటు నాని -వివేక్ ఆత్రేయ కాంబో సినిమాను కూడా ఈరోజు ఆఫీస్ లో పూజా కార్యక్రమాలతో మొదలు పెట్టారు.

ప్రస్తుతం ప్రీ ప్రొడక్షన్ స్టేజిలో ఉన్న కళ్యాణ్ రామ్ -రాజేంద్ర కాంబినేషన్ సినిమా, నాని 'అంటే సుందరానికి'  మార్చ్ నుండి షూటింగ్ జరుపుకోనున్నాయి.

ప్రస్తుతం నిర్మాతలు నవీన్ , రవి మైత్రి మూవీ మేకర్స్ బ్యానర్ పై  మహేష్ బాబు తో 'సర్కారు వారి పాట', అల్లు అర్జున్ తో 'పుష్ప' సినిమాలు తెరకెక్కిస్తున్న సంగతి తెలిసిందే. త్వరలోనే మెగా స్టార్- బాబీ కాంబో సినిమాతో పాటు పవన్ కళ్యాణ్ -హరీష్ కాంబో సినిమాను నిర్మించనున్నారు.  ఎన్టీఆర్ , విజయ్ దేవరకొండ సినిమాలు లైనప్ లో ఉన్నాయి.