యుద్ధం శరణం టీజర్ రిలీజ్ కౌంట్ డౌన్ స్టార్ట్

రారండోయ్ వేడుక చూద్దాం సినిమాతో కెరీర్ బిగ్గెస్ట్ హిట్ అందుకున్న నాగచైతన్య.. తన నెక్ట్స్ సినిమాను రిలీజ్ కు రెడీ చేశాడు. కృష్ణ మరిముత్తు దర్శకత్వంలో యుద్ధం శరణం అనే సినిమా చేశాడు చైతూ. ఈ సినిమా అఫీషియల్ ప్రమోషన్ రేపట్నుంచి మొదలు కాబోతోంది. రేపు సాయంత్రం సరిగ్గా 5 గంటల 45 నిమిషాలకు యుద్ధం శరణం టీజర్ ను విడుదల చేయబోతున్నారు.

ఈ సినిమా ఫస్ట్ లుక్ ఇప్పటికే ఇండస్ట్రీలో వైబ్రేషన్స్ క్రియేట్ చేస్తోంది. వారాహి చలనచిత్ర బ్యానర్ పై తెరకెక్కుతున్న ఈ సినిమాలో నాగచైతన్య రఫ్ లుక్ లో కనిపిస్తున్నాడు. యాక్షన్ కమ్ లవ్ ఎఁటర్ టైనర్ గా యుద్ధం శరణం రూపొందింది. సీనియర్ హీరో, క్యారెక్టర్ ఆర్టిస్ట్ శ్రీకాంత్ ఈ సినిమాలో విలన్ గా కనిపించబోతున్నాడు.

రజనీ కొర్రపాటి నిర్మిస్తున్న యుద్ధం శరణం సినిమాలో లావణ్య త్రిపాఠి హీరోయిన్ గా నటిస్తోంది. ఆగస్ట్ చివరి వారంలో సినిమాను విడుదల చేసే ఛాన్స్ ఉంది.