సెంటిమెంట్ తో చరిత్ర సాధ్యమా..?

 గతేడాది ‘బాహుబలి’ తో ప్రభాస్, ‘శ్రీమంతుడు’ తో మహేష్ బాబు పోటీ పడడానికి సిద్దమయ్యారు. జూలై 10న రెండు సినిమాలు విడుదల అని ప్రకటించేశారు. మళ్ళీ ఒకరి తేది ఒకరికి తెలియలేదంటూ పొరపాటు పడ్డారు. ఆ తరువాత ‘బాహుబలి’ మన టాలీవుడ్ గర్వపడే సినిమా కావడంతో మహేష్ ఒక అడుగు వెనక్కి తగ్గి… ‘శ్రీమంతుడు’ చిత్రాన్ని ఆగస్ట్ 7 కు పోస్ట్ పోన్ చేసాడు. కాగా ఈ రెండు సినిమాలు బాక్సాఫీస్ వద్ద గొప్ప విజయాలు అందుకొని మంచి వసూళ్లు సాధించాయి.

       అయితే తాజాగా ఈ ఇద్దరు మళ్ళీ పోటీ పడబోతున్నారు. ‘బాహుబలి-2’ ను వచ్చే ఏడాది ఏప్రిల్ 28 న విడుదల చేస్తున్నట్లు ప్రకటించారు యూనిట్. సరిగ్గా ఇదే తేది న మహేష్ ప్రస్తుతం మురుగదాస్ తో చేస్తున్న సినిమాను కూడా విడుదల చెయ్యాలని చూస్తున్నారట. ఎందుకంటే… ఏప్రిల్ 28న పోకిరి రిలీజ్ అయింది కాబట్టి.. అదే డేట్ అయితే.. మురుగదాస్ సినిమాకు కూడా కలిసొస్తుందని మహేష్ ఫీలింగ్.

అయితే ఇక్కడే మరో సెంటిమెంట్ కూడా ఉందంటోంది ఫిలింనగర్. గతంలో ఇలానే క్లాష్ అయి, వెనక్కి తగ్గడం వల్ల రెండు సినిమాలూ లాభపడ్డాయి. సో.. ఈసారి కూడా ఓ వారం రోజులు వెనక్కి తగ్గితే… అటు బాహుబలి-2తో పాటు.. ఇటు మహేష్ బాబు సినిమా కూడా హిట్ అవుతుందనే సెంటిమెంట్ డెవలప్ అయింది. సో.. ఈసారి కూడా అదే సీన్ రిపీట్ అయి, సెంటిమెంట్ వర్కవుట్ అవుతుందని చాలామంది భావిస్తున్నారు.