రామ్ లిస్టులో మరో డైరెక్టర్ ?

హీరో రామ్ ‘రెడ్’ సినిమా వచ్చి సరిగ్గా నెల రోజులవుతుంది. ఇంత వరకు తన నెక్స్ట్ సినిమా ఎవరితో అనేది మాత్రం ఎనౌన్స్ చేయలేదు రామ్. ప్రస్తుతం  రామ్ కొంత మంది దర్శకులను ఫైనల్ చేసుకున్నాడు. అందులో తమిళ్ దర్శకుడు నేసన్ , వెంకీ కుడుముల , అనిల్ రావిపూడితో పాటు త్రివిక్రమ్ కూడా ఉన్నారు. అయితే ఈ లిస్టులోకి తాజాగా లింగు స్వామి కూడా చేరాడట.

ఇటివలే రామ్ ను కలిసి లింగుస్వామి ఓ మాస్ కథ వినిపించాడని సమాచారం. రామ్ కూడా ఈ డైరెక్టర్ తో సినిమా చేసేందుకు సిద్దంగా ఉన్నాడని తెలుస్తుంది. అయితే ఇప్పటికే నేసన్ సినిమా ఓకె చేసేసుకొని త్వరలోనే ఆ సినిమాను పట్టాలెక్కించబోతున్న రామ్ మళ్ళీ తన ప్లానింగ్ మార్చుకొని ముందుగా లింగుస్వామికి ఛాన్స్ ఇస్తాడా అనేది తెలియాల్సి ఉంది. మరి ఈ ఇద్దరు తమిళ్ డైరెక్టర్స్ లో రామ్ నెక్స్ట్ సినిమా ఎవరు డైరెక్ట్ చేస్తారనేది కొన్ని రోజుల్లో తేలనుంది.