Zee Exclusive - మరో ప్రాజెక్ట్ సైన్ చేసిన విశ్వక్ సేన్!

ప్రస్తుతం హీరో విశ్వక్ సేన్ ఫుల్ బిజీగా ఉన్నాడు. వరుస సినిమాలతో దూసుకెళ్తున్న విశ్వక్ సేన్ తాజాగా మరో సినిమా ఒప్పుకున్నాడు. త్వరలోనే సితార ఎంటర్టైన్ మెంట్స్ బేనర్ లో నాగవంశీ నిర్మాణంలో సినిమా చేయబోతున్నాడు. ఈ సినిమాకు ప్రసన్న కథ -స్క్రీన్ ప్లే -మాటలు అందిస్తుండగా సూర్య ప్రతాప్ డైరెక్ట్ చేయబోతున్నాడు.

కుమారి 21 తో సెన్సేషన్ క్రియేట్ చేసిన సూర్య ప్రతాప్ ఫస్ట్ టైం సుకుమార్ కథ కాకుండా మరో రైటర్ కథతో సినిమా చేయడానికి రెడీ అవుతున్నాడు. ఇటివలే ప్రతాప్ , ప్రసన్న ఇద్దరూ కలిసి విశ్వక్ సేన్ కి స్క్రిప్ట్ వినిపించి ప్రాజెక్ట్ ఓకె చేయించుకున్నారు.

విశ్వక్ సేన్

ప్రస్తుతం సినిమాకు సంబంధించి ప్రీ ప్రొడక్షన్ వర్క్ జరుగుతుంది. అతి త్వరలోనే ఈ సినిమాను ఎనౌన్స్ చేసి పూజ కార్యక్రమాలతో ప్రారంభించనున్నారు. ప్రస్తుతం సూర్య ప్రతాప్ నిఖిల్ తో 18 పేజెస్ అనే సినిమా చేస్తున్నాడు. అది దాదాపు షూటింగ్ పూర్తయింది. ఫైనల్ షెడ్యుల్ మాత్రమే బ్యాలెన్స్ ఉంది. ఆ షెడ్యుల్ పూర్తవ్వగానే విశ్వక్ సేన్ తో సినిమాను మొదలు పెడతాడు ప్రతాప్.

ఇక విశ్వక్ సేన్ చేతిలో కూడా 2-3 సినిమాలున్నాయి. ఇటివలే ‘పాగల్’ షూటింగ్ పూర్తి చేసిన విశ్వక్ ప్రస్తుతం ”ఓ మై కాదవులే” రీమేక్ సినిమాను సెట్స్ పై పెట్టేసి మొదటి షెడ్యుల్ పూర్తి చేశాడు. అలాగే ఇంకో సినిమా కూడా షూటింగ్ స్టేజిలో ఉంది. ఇంకా మూడు నాలుగు సినిమాలు లైనప్ లో ఉన్నాయి. మరి సూర్య ప్రతాప్ , ప్రసన్న , విశ్వక్ సేన్ కాంబోలో తెరకెక్కే ఈ సినిమా ఎలాంటి కథతో తెరకెక్కనుందో మరికొన్ని రోజుల్లో తెలియనుంది.

• – Follow us for Latest Telugu Zee Cinemalu News and upcoming trending stories, Gossips, Actress Photos and Special topics