ఈ ‘శీనయ్య’ వరల్డ్ ఫేమస్ లవర్

విజయ్ దేవరకొండ ‘వరల్డ్ ఫేమస్ లవర్’ నుండి రొమాంటిక్ పోస్టర్ రిలీజయింది. ప్రమోషన్స్ లో భాగంగా ఒక్కో రోజు ఒక్కో హీరోయిన్ కి హీరోతో ఉండే రిలేషన్ షిప్ ఎలివేట్ అయ్యేలా పోస్టర్స్ ని రిలీజ్  చేయాలని ఫిక్సయిన మేకర్స్ ఈ రోజు ఐశ్వర్యా రాజేష్ కాంబినేషన్ లో పోస్టర్ రిలీజ్ చేశారు.

‘సువర్ణ’ గా కనిపించనుంది ఈ సినిమాలో ఐశ్వర్యా రాజేష్. ‘మా ఆయనే వరల్డ్ ఫేమస్ లవర్’, మా శీనయ్యని ప్రేమికుల రోజున కలుద్దురు.’ అంటూ చేసిన ట్వీట్ ని బట్టి ఐశ్వర్యా, ఈ సినిమాలో పల్లెటూరి అమ్మాయిలా, విజయ్ దేవరకొండ భార్యలా కనిపించనుందని తెలుస్తుంది.

అలాగే ఈ నెల 13 న ఈజా బెల్లా, 14 న కేథరిన్ తెరిసా, 15 న రాశిఖన్నా కాంబినేషన్ లో పోస్టర్ రిలీజ్ చేయబోతున్నారు. ఈ పోస్టర్స్ లో ఈ హీరోయిన్స్ విజయ్ దేవరకొండ కి ఎలా రిలేట్ అవుతారనేది రివీల్ చేయబోతున్నారు. ఈ క్రమంలో జనవరి 3 న ఈ సినిమా టీజర్ రిలీజ్ చేయనున్నారు. ‘వరల్డ్ ఫేమస్ లవర్’ ఫిబ్రవరి 14 న రిలీజ్ అవుతుందన్న విషయం తెలిసిందే.