వెంకీ మామ వచ్చేది ఎప్పుడు?

వెంకటేష్, నాగచైతన్య హీరోలుగా నటిస్తున్న వెంకీమామ సినిమాకు సంబంధించి చాలా తేదీలు డిస్కషన్ కు వచ్చాయి. కానీ ఏదీ ఫైనల్ అవ్వలేదు. ఒక దశలో సంక్రాంతికి వస్తుందనే టాక్ కూడా గట్టిగా వినిపించింది. కానీ సంక్రాంతి రేస్ నుంచి కూడా ఈ సినిమా తప్పుకుంది. తాజాగా ఈ మూవీకి సంబంధించి మరో డేట్ బయటకొచ్చింది. అదే డిసెంబర్ 13.

అవును.. అన్నీ అనుకున్నట్టు జరిగితే డిసెంబర్ 13న ఈ సినిమా రిలీజ్ అవుతుందని అంటున్నారు. ఈ మేరకు నిర్మాత సురేష్ బాబు, ప్రొడక్షన్ యూనిట్ కు సమాచారం ఇచ్చారట. ఇక్కడ మరో ఇంట్రెస్టింగ్ మేటర్ ఏంటంటే.. ఆరోజు వెంకటేష్ పుట్టినరోజు. సో.. వెంకీ బర్త్ డే స్పెషల్ గా వెంకీమామ వస్తోందన్నమాట.

రీసెంట్ గా ఈ సినిమా ఫైనల్ కట్ చూశాడు హీరో నాగచైతన్య. ఫస్టాఫ్ లో కామెడీ, సెకెండాఫ్ లో యాక్షన్ ఎలిమెంట్స్ చాలా బాగున్నాయని మెచ్చుకున్నాడు. సినిమాలో చైతూ సరసన రాశిఖన్నా, వెంకీ సరసన పాయల్ రాజ్ పుత్ హీరోయిన్లుగా నటిస్తున్నారు. బాబి ఈ సినిమాకు దర్శకుడు.