Venky Kudumula - మెగా హీరోతో సినిమా?

Thursday,May 13,2021 - 03:49 by Z_CLU

‘ఛలో’ తో దర్శకుడిగా పరిచయమై ఆ సినిమాతో సూపర్ హిట్ కొట్టిన వెంకీ కుడుముల రెండో సినిమా ‘భీష్మ’ తో బ్లాక్ బస్టర్ హిట్ అందుకున్నాడు. అయితే భీష్మ తర్వాత అనుకోకుండా కొంత గ్యాప్ తీసుకున్న వెంకీ ఇప్పుడు మూడో సినిమాతో సెట్స్ పైకి వెళ్లేందుకు రెడీ అవుతున్నాడు. కొన్ని నెలలుగా వెంకీ మెగా హీరోలలో ఒకరితో సినిమా అనే ప్రచారం జరుగుతుంది. ఇప్పుడు ఆ ప్రచారం నిజం కానుంది. మూడో సినిమాను మెగా ప్రిన్స్ వరుణ్ తేజ్ తో చేయబోతున్నాడని సమాచారం.

ప్రస్తుతానికి వరుణ్ తేజ్ కోసం స్క్రిప్ట్ రెడీ చేస్తున్నాడు వెంకీ. ఇప్పటికే వరుణ్ కి ఒక నరేషన్ ఇచ్చాడు. త్వరలోనే ఫైనల్ స్క్రిప్ట్ చెప్పాల్సి ఉంది. ప్రస్తుతం కథకు తుది మెరుగులు దిద్దే పనిలో బిజీగా ఉన్నాడు వెంకీ. ఒకసారి ఫైనల్ స్క్రిప్ట్ చెప్పేసి వరుణ్ తో గ్రీన్ సిగ్నల్ అందుకున్నాక ఈ సినిమా ఎనౌన్స్ అవుతుంది. ఈ కాంబో సినిమాను ఎవరు నిర్మిస్తారనేది తెలియాల్సి ఉంది. భీష్మ షూటింగ్ సమయంలోనే వెంకీ కి మైత్రి మూవీ మేకర్స్ అడ్వాన్స్ ఇచ్చారు. మరి అదే బేనర్ లో ఈ సినిమా తెరకెక్కుతుందా చూడాలి.

మొదటి సినిమాకు తమిళ్ నాడు , ఆంధ్రా బోర్డర్ నేపథ్యంలో జరిగే కథ ఎంచుకున్న వెంకీ రెండో సినిమాకు రైతు సమస్యను తీసుకొని దాన్ని ఎంటర్టైనింగ్ చెప్పాడు. మరి ఇప్పుడు మూడో సినిమాకు ఎలాంటి కథను ఎంచుకుంటాడు ? వరుణ్ కి ఎలా చూపిస్తాడు ? తెలియాలంటే ఇంకొద్ది రోజులు వెయిట్ చేయాలి.

  • – Follow Us for Latest Telugu Zee Cinemalu News and upcoming trending
    stories, Gossips, Actress Photos and Special topics