"కబ్జా" చేయడానికి రెడీ అయిన ఉపేంద్ర

ఓం, ఎ, రా, చిత్రాలతో సెన్షేషనల్ బ్లాక్ బస్టర్ హిట్స్ ఇచ్చి అభిమానుల్లో, ప్రేక్షకుల్లో విపరీతమైన ఫ్యాన్ ఫాలోయింగ్ సంపాదించుకున్న ఉపేంద్ర “సన్నాఫ్ సత్యమూర్తి” చిత్రంలో పవర్ ఫుల్ క్యారెక్టర్ చేశారు. ఆయన హీరోగా నటిస్తోన్న తాజా చిత్రం”కబ్జా”. 1947-80ల మధ్య అండర్ వరల్డ్ డాన్ కథాంశంతో తెరకెక్కుతోన్న యాక్షన్ ఎంటర్టైనర్ చిత్రం ఇది.

శ్రీ సిద్దేశ్వర ఎంటర్ ప్రైజెస్ పతాకంపై ఆర్.చంద్రు దర్శకుడిగా ఆర్.చంద్రశేఖర్, రాజ్ ప్రభాకర్ సంయుక్తంగా ఈ చిత్రాన్ని నిర్మిస్తున్నారు. రామానాయుడు స్టూడియోలో ఈ సినిమా ఘనంగా ప్రారంభం అయింది. పూజాకార్యక్రమాల అనంతరం ఉపేంద్ర పై చిత్రీకరించిన ముహూర్తుపు సన్నివేశానికి రమేష్ ప్రసాద్ క్లాప్ నివ్వగా, ఈ సన్నివేశానికి బి.గోపాల్ గౌరవ దర్శకత్వం వహించారు.. ఇదే వేదికపై కబ్జా మోషన్ పోస్టర్ ని లగడపాటి శ్రీధర్ లాంచ్ చేశారు.

డిఫరెంట్ స్టయిల్ లో పాన్ ఇండియా లెవెల్ లో భారీ బడ్జెట్తో ఈ చిత్రాన్ని రూపొందిస్తారు. తెలుగు, కన్నడ భాషల్లో రాబోతోంది ఈ మూవీ.