చిరంజీవిని ఘనంగా సన్మానించిన సుబ్బరామిరెడ్డి

150తో సినిమాతో గ్రాండ్ ఎఁట్రీ ఇచ్చి, మెగా హిట్ అందుకున్న చిరంజీవిని… టి. సుబ్బరామిరెడ్డి ఘనంగా సన్మానించారు. హైదరాాబాద్ పార్క్ హయత్ లో జరిగిన ఈ ఆత్మీయ వేడుకలో చిరంజీవికి టీఎస్ఆర్ గ్రాండ్ పార్టీ ఇచ్చారు. ఈ సన్మాన కార్యక్రమానికి నాగార్జున, అమల, అఖిల్ తో పాటు… వీవీ వినాయక్, రామ్ చరణ్, సురేఖ, పరుచూరి బ్రదర్స్, బ్రహ్మానందం, అలీ, నాగబాబు, జయప్రద, దిల్ రాజు లాంటి ప్రముఖులు హాజరయ్యారు.

కేవలం చిరంజీవి రీఎంట్రీ ఇవ్వడమే కాకుండా… ఏకంగా వారం రోజుల్లో వంద కోట్లకు పైగా కలెక్షన్లు సాధించడం అపూరూపమన్నారు సుబ్బరామిరెడ్డి. ధృవ సినిమా సూపర్ హిట్ అయినందుకు రామ్ చరణ్ కు కూడా కంగ్రాట్స్ చెప్పారు. ఈ సందర్భంగా సుబ్బరామిరెడ్డికి తనకు మధ్య ఉన్న అనుబంధాన్ని గుర్తుచేసుకున్నారు మెగాస్టార్ చిరంజీవి.