చిన్న సినిమా నిర్మిస్తాడట...

ఈమధ్య కాలంలో పూరి జగన్నాధ్, సుకుమార్, సంపత్ నంది లాంటి దర్శకులు నిర్మాతలుగా కూడా మారి సినిమాలు నిర్మిస్తున్నారు. ఇప్పుడీ కోవలోకి స్టార్ డైరక్టర్ త్రివిక్రమ్ కూడా చేరిపోయాడు. త్వరలోనే నిర్మాతగా మారి ఓ చిన్న సినిమా తీసే ఆలోచనలో ఉన్నాడట త్రివిక్రమ్. పెళ్లిచూపులు సినిమాతో అందర్నీ ఆకట్టుకున్న విజయ్ దేవరకొండ హీరోగా, నందినీరెడ్డి దర్శకత్వంలో ఓ సినిమా ప్రొడ్యూస్ చేసే ఆలోచనలో త్రివిక్రమ్ ఉన్నట్టు తెలుస్తోంది. అయితే ఇది ఎప్పుడు కార్యరూపం దాలుస్తుందనేది మాత్రం ప్రస్తుతానికి సస్పెన్స్. ఇంకా చర్చలు జరుగుతన్నట్టు సమాచారం. సోమవారం త్రివిక్రమ్ తన పుట్టినరోజును గ్రాండ్ గా సెలబ్రేట్ చేసుకున్నాడు. ఈ సందర్భంగా నిర్మాతగా తన ఎంట్రీ గురించి ప్రకటిస్తాడని అంతా ఎక్స్ పెక్ట్ చేశారు. కానీ త్రివిక్రమ్ మాత్రం ఇప్పటివరకు ఎలాంటి ప్రకటన చేయలేదు.

ప్రస్తుతం త్రివిక్రమ్ పవన్ కోసం వెయిట్ చేస్తున్నాడు. కాటమరాయుడు షూటింగ్ లో ఉన్న పవన్.. త్వరలోనే త్రివిక్రమ్ తో ఓ సినిమాను సెట్స్ పైకి తీసుకెళ్లో ఆలోచనలో ఉన్నాడు. పవన్ సినిమాను డైరక్ట్ చేస్తూనే, తను నిర్మాతగా ఓ చిన్న సినిమాను రూపొందించే ఆలోచనలో త్రివిక్రమ్ ఉన్నాడని తెలుస్తోంది.