Pulimeka Trailer సస్పెన్స్ థ్రిల్లర్ డ్రామా

Trailer for ZEE5 Original ‘Puli-Meka’ thrilling and racy

సీరియ‌ల్ థ్రిల్ల‌ర్స్‌కి, సైకో కిల్ల‌ర్ వెబ్‌సీరీస్‌ ల‌కి మంచి డిమాండ్ ఉన్న టైమ్ ఇది. లాక్‌డౌన్‌లో మొద‌లైన ఈ ఫీవ‌ర్‌, సిరీస్ ల‌వ‌ర్స్‌లో ఇంకా త‌గ్గ‌లేదు. అలాంటివారికి డ‌బుల్ థ్రిల్లింగ్ క‌లిగించ‌నుంది ‘పులి మేక‌’. లేటెస్ట్ గా రిలీజ్ అయిన ‘పులి మేక‌’ Puli-meka ట్రైల‌ర్‌లోనూ అదే స్పీడ్ క‌నిపిస్తోంది. స్టార్టింగ్ టు ఎండింగ్ రేసీ నెరేష‌న్ సిరీస్ మీద స్పెష‌ల్ ఇంట్ర‌స్ట్ క్రియేట్ చేస్తోంది.

ఇండియాలోనే వ‌న్ ఆఫ్ ది బెస్ట్ ఓటీటీల్లో ఒక‌టైన జీ 5 త‌మ ఆడియెన్స్ కోసం తెలుగు, త‌మిళ‌, క‌న్న‌డ‌, మ‌ల‌యాళ‌, హిందీ, మ‌రాఠీ, గుజ‌రాతీ, బెంగాలీ స‌హా ఇత‌ర భాష‌ల్లో అప‌రిమిత‌మైన, కొత్త‌దైన, వైవిధ్య‌మైన కంటెంట్‌ను అందిస్తోంది. ఈ ఓటీటీ లైబ్ర‌రీలో ఫిబ్ర‌వ‌రి 24న‌ మ‌రో బెస్ట్ ఒరిజిన‌ల్‌గా జాయిన్ కావ‌టానికి సిద్ధ‌మ‌వుతుంది ‘పులి మేక’. ఈ ఒరిజిన‌ల్ కోసం జీ 5 కోన ఫిల్మ్ కార్పొరేష‌న్‌తో జాయిన్ అయ్యింది. లావ‌ణ్య త్రిపాఠి Lavanya Tripathi ఆది సాయి కుమార్‌ Aadi Sai Kumar, సిరి హ‌న్మంత్ ప్ర‌ధాన పాత్ర‌ల్లో న‌టిస్తున్నారు. సోమ‌వారం ఈ ఒరిజిన‌ల్ ట్రైల‌ర్‌ను డైరెక్టర్ బాబీ, హీరో సిద్ధు జొన్నలగడ్డ రిలీజ్ చేశారు. ట్రైల‌ర్‌ను గ‌మ‌నిస్తే…

‘‘చావు చెప్పిరాదు, వ‌చ్చిన‌ప్పుడు త‌ప్పించుకోవ‌డం సాధ్యం కాదు అంటూ మొదల‌వుతుంది పులిమేక ట్రైల‌ర్‌. ఆ డైలాగును చెప్పిన తీరు, బ్యాక్‌గ్రౌండ్‌లో క‌నిపించే దృశ్యాలు బెస్ట్ టేకాఫ్‌గా అనిపించాయి. డైలాగ్ విన‌గానే భ‌గ‌వ‌ద్గీత గుర్తుకొస్తుంది. ఒన్‌మంత్ బ్యాక్ షామిర్‌పేట్ లేక్ ద‌గ్గ‌ర ఎస్ ఆర్ న‌గ‌ర్ ఎస్ ఐ అనిల్ మ‌ర్డ‌ర్ జ‌రిగింది. ఆ మ‌ర్డ‌ర్ చేసింది, ఈ మ‌ర్డ‌ర్ చేసింది ఒక్క‌రే సార్ అని చెబుతూ ప్ర‌భాక‌ర్ శ‌ర్మ కేర‌క్ట‌ర్‌లో ప‌రిచ‌య‌మ‌వుతారు ఆది. పోలీస్ అఫిషియ‌ల్‌గా క‌నిపిస్తారు సుమన్‌. ఆయ‌న మాట‌ల‌ను బ‌ట్టి ఒక సైకో పోలీస్ డిపార్ట్‌మెంట్‌ని టార్గెట్ చేశాడ‌ని అర్థ‌మ‌వుతుంది.

ఈ కేసును డీల్ చేయ‌డం కోసం అపాయింట్ అవుతుంది ఐపీయ‌స్ ఆఫీస‌ర్ కిర‌ణ్ ప్ర‌భ కేర‌క్ట‌ర్‌లో లావ‌ణ్య‌. సీరియ‌స్ లుక్స్ లో, ఖాకీ యూనిఫార్మ్‌కి గ‌ట్టిగా న్యాయం చేశారు లావ‌ణ్య‌. త‌న‌కంటూ ఓ టీమ్‌ని సెల‌క్ట్ చేసుకుని ఈ కేసును డీల్ చేసిన‌ట్టు మ‌న‌కు అర్థ‌మ‌వుతుంది. ఈ ఛేజింగ్‌లో ఆమెకు సాయం చేస్తాడు ప్ర‌భ‌. పులి మేక క‌థ‌లో పులి ఎవ‌రో తెలియాలి అంటూ జ‌రిగే ఇన్వెస్టిగేష‌న్ ఆడియ‌న్స్‌ని ఎంగేజ్ చేస్తుంది. జంతువులాంటి మ‌నిషి కోసం కిర‌ణ్ ప్ర‌భ అండ్ ప్ర‌భాక‌ర్‌ టీమ్ చేసే ప్ర‌య‌త్నం ఫ‌లించిందా? ఆ మేడ‌మ్ చాలా డేంజ‌ర్ కొడ్తుంది అని అనుకునేవాళ్ల ఫీలింగ్స్ నిజ‌మ‌య్యాయా? లాక్‌డౌన్‌లో ప్ర‌భాక‌ర్‌ చూసిన సీరీస్‌ల వ‌ల్ల కేసుకు ఏమైనా హెల్ప్ జ‌రిగిందా?’’ వంటి వివ‌రాలు ఇంట్ర‌స్ట్ క్రియేట్ చేస్తున్నాయి.

నైట్ ఎఫెక్ట్‌లో క‌నిపించే దృశ్యాలు, ఎంగేజింగ్‌గా అనిపించిన రీరికార్డింగ్ ఈ సీరీస్‌కి హైలైట్‌. కోన వెంక‌ట్, వెంక‌టేష్ కిళారు క‌థ‌, కోన వెంక‌ట్ క్రియేష‌న్‌, చ‌క్ర‌వ‌ర్తి రెడ్డి డైర‌క్ష‌న్‌, ర‌మేష్ కె మ‌హేష్ కెమెరా, ప్ర‌వీణ్ ల‌క్క‌రాజు సంగీతం సీరీస్‌కి హైలైట్ అవుతాయి.