Monday,October 04,2021 - 03:17 by Z_CLU
ప్రస్తుతం ఈ సినిమా షూటింగ్ మారేడుమిల్లి, పాడేరులో జరుగుతోంది. ఈ షెడ్యూల్ లో యాక్షన్ సన్నివేశాలు మరియు పాటల చిత్రీకరణ జరగనుంది. ఈ సందర్భంగా ఆన్ లొకేషన్ స్టిల్ ను విడుదల చేసింది చిత్ర యూనిట్. అందులో ప్రశాంత్ వర్మ మరియు తేజ సజ్జ తీవ్రంగా చర్చించుకుంటున్నారు. ప్రశాంత్ వర్మ ఒక సన్నివేశాన్ని వివరిస్తుండగా, తేజ అతని మాటలు శ్రద్దగా వింటున్నారు.
జాంబీ రెడ్డి కాంబో మరోసారి మ్యాజిక్ చేసేందుకు సిద్దమైంది. మన పురాణాలు ఇతీహాసల్లో అద్భుతమైన శక్తులు ఉన్న సూపర్హీరోస్ గురించి మనకు తెలుసు. వారి అపూర్వమైన శక్తులు, బలాలు, పోరాటపటిమ అద్భుతమైనవి. సూపర్ హీరోస్ చిత్రాల్లోని హీరో ఎలివేషన్స్, యాక్షన్ సీక్వెన్సెస్ ఆడియన్స్ను థ్రిల్ చేస్తాయి. అలాగే సూపర్ హీరో మూవీస్ని అన్ని వర్గాల వారు ఇష్టపడతారు. హను-మాన్ సినిమా తెలుగు, తమిళం, కన్నడ, మలయాళం మరియు హిందీ భాషలలో రూపొందుతోంది.
ప్రైమ్ షో ఎంటర్టైన్మెంట్ ఈ చిత్రాన్ని గ్రాండ్ స్కేల్ లో అత్యాధునిక విఎఫ్ఎక్స్ తో రూపొందిస్తోంది. ప్రముఖ నటీనటులు, టాప్-గ్రేడ్ టెక్నీషియన్లు ఈ సినిమా కోసం వర్క్ చేస్తున్నారు.
శ్రీమతి చైతన్య సమర్పణలో కె. నిరంజన్ రెడ్డి ఈ చిత్రాన్ని నిర్మిస్తున్నారు. అశ్రిన్ రెడ్డి ఎగ్జిక్యూటివ్ ప్రొడ్యూసర్, వెంకట్ కుమార్ జెట్టి లైన్ ప్రొడ్యూసర్, కుశల్ రెడ్డి అసోసియేట్ ప్రొడ్యూసర్. దాశరథి శివేంద్ర సినిమాటోగ్రాఫర్.
ఇతర నటీనటులు, సాంకేతిక నిపుణుల వివరాలు త్వరలో వెల్లడించనున్నారు.
సాంకేతిక వర్గం:
రచన, దర్శకత్వం: ప్రశాంత్ వర్మ,
నిర్మాత: కె. నిరంజన్ రెడ్డి
బ్యానర్: ప్రైమ్ షో ఎంటర్టైన్మెంట్స్
సమర్పణ: శ్రీమతి చైతన్య
స్క్రీన్ ప్లే: స్క్రిప్ట్స్ విల్లే
డిఒపి: దాశరథి శివేంద్ర
ఎగ్జిక్యూటివ్ ప్రొడ్యూసర్: అశ్రిన్ రెడ్డి
లైన్ ప్రొడ్యూసర్: వెంకట్ కుమార్ జెట్టి
అసోసియేట్ ప్రొడ్యూసర్: కుశల్ రెడ్డి
ప్రొడక్షన్ డిజైనర్: శ్రీనాగేంద్ర తంగల
క్యాస్టూమ్స్ డిజైనర్: లంక సంతోషి
పిఆర్ఒ: వంశీ – శేఖర్