తరుణ్ భాస్కర్ హీరోగా విజయ్ దేవరకొండ సినిమా

రీసెంట్ గా తన ప్రొడక్షన్ హౌజ్ లోగోని లాంచ్ చేశాడు విజయ్ దేవరకొండ. ‘కింగ్ అఫ్ హిల్స్’ అనే పేరుతో లోగోని కూడా రిలీజ్ చేశాడు. అయితే త్వరలో నిర్మాతగా కొత్త సినిమాని సెట్స్ పైకి రానున్న విజయ్ దేవరకొండ, ఈ సినిమాలో హీరోని కూడా ఫిక్సయ్యాడు. ‘పెళ్లి చూపులు’ సినిమాతో తన కరియర్ ని మలుపు తిప్పిన దర్శకుడు తరుణ్ భాస్కర్ ఈ సినిమాలో హీరోగా నటించనున్నాడు.

మ్యాగ్జిమం డిసెంబర్ లో ఈ సినిమాను అఫీషియల్ గా లాంచ్ చేయనున్న విజయ్ దేవరకొండ, ప్రస్తుతం ఈ సినిమా ప్రీ ప్రొడక్షన్ ప్రాసెస్ లో ఉన్నట్టు తెలుస్తుంది. గతంలో మహానటి సినిమాలో సింగీతం శ్రీనివాస్ లా కనిపించిన తరుణ్ భాస్కర్ ఈ సినిమాలో ఇంట్రెస్టింగ్ రోల్ లో కనిపించనున్నట్టు తెలుస్తుంది.

షమ్మీర్ ఈ సినిమాతో డైరెక్టర్ గా ఇంట్రడ్యూస్ అవుతున్నాడు. అవుట్ అండ్ అవుట్ యూత్ ఫుల్ ఎంటర్ టైనర్ గా తెరకెక్కనున్న ఈ సినిమాకి సంబంధించి తక్కిన నటీనటులతో పాటు టెక్నీషియన్స్ వివరాలు ఇంకా తెలియాల్సి ఉంది.