త్రిష ఆఫర్ తమన్న చేతికొచ్చింది...

మిల్కీబ్యూటీ తమన్న మరో ప్రెస్టీజియస్ ప్రాజెక్టు దక్కించుకుంది. హిందీలో సూపర్ హిట్ అయిన క్వీన్ సినిమా సౌత్ రీమేక్ లో నటించేందుకు తమన్న గ్రీన్ సిగ్నల్ ఇచ్చింది. కేవలం దీన్నొక హిట్ సినిమా రీమేక్ గా మాత్రమే చూడొద్దు. ఈ రీమేక్ వెనక ఇంకా చాలా ప్రత్యేకతలున్నాయి. ప్రముఖ నటి రేవతి ఈ సినిమాకు దర్శకత్వం వహించనుంది. ఇదొక స్పెషల్ ఎట్రాక్షన్ అనుకుంటే… మరో ప్రముఖ నటి సుహాసిని ఈ సినిమాకు డైలాగ్ రైటర్ గా పనిచేయబోతోంది. ఇలా ఇద్దరు సీనియర్లతో కలిసి తమన్న పనిచేయబోతోంది.

మరో ఇంట్రెస్టింగ్ ఎలిమెంట్ ఏంటంటే.. ఈ సినిమా కోసం మొదట త్రిషను అనుకున్నారు. త్రిష హీరోయిన్ గా క్వీన్ రీమేక్ ఆల్ మోస్ట్ కన్ ఫం అయిపోయింది. అయితే ఆఖరి నిమిషంలో త్రిష స్థానంలోకి తమన్న వచ్చి చేరింది. ఈ మార్పు ఎందుకు జరిగిందనే విషయాన్ని పక్కనపెడితే… ఒకేసారి తెలుగు-తమిళ-కన్నడ భాషల్లో ఈ సినిమా రానుందనేది మరో హాట్ న్యూస్. సో… తన కెరీర్ లో మరో త్రిభాషా చిత్రంలో తమన్న నటించబోతోందన్నమాట.