ఆకాశమే నా హద్దు అంటున్న సూర్య

రకరకాల జానర్స్ ట్రై చేస్తున్నాడు. కానీ సరైన రిజల్ట్ అందుకోలేకపోతున్నాడు. తాజాగా వచ్చిన బందోబస్త్ సినిమా కూడా నిరాశపరిచింది. ఇలాంటి టైమ్ లో మరో డిఫరెంట్ సబ్జెక్ట్ సెలక్ట్ చేసుకున్నాడు సూర్య. సుధా కొంగర దర్శకత్వంలో ఓ సినిమా చేస్తున్నాడు. దీనికి ఆకాశం నీ హద్దురా అనే టైటిల్ ఫిక్స్ చేశారు. ఫస్ట్ లుక్ రిలీజ్ చేశారు.

సూర్యకు 2డీ ఎంటర్ టైన్ మెంట్స్ అనే బ్యానర్ ఉన్న సంగతి తెలిసిందే. తన సినిమాలకు సంబంధించి అప్పుడప్పుడు సహ-నిర్మాతగా మాత్రమే వ్యవహరించిన సూర్య.. ఈ సినిమాతో పూర్తిస్థాయి ప్రొడ్యూసర్ గా కూడా మారాడు.

అపర్ణ బాలమురళి హీరోయిన్ గా నటిస్తున్న ఈ సినిమాకు జీవీ ప్రకాష్ కుమార్ సంగీతం అందిస్తున్నాడు. గురు చిత్రంతో గుర్తింపు తెచ్చుకున్నారు సుధాకొంగర. ఆ మూవీ తర్వాత ఈమె చేస్తున్న సినిమా ఇదే. త్వరలోనే మూవీ టీజర్ రిలీజ్ చేస్తారు.