సూపర్ హిట్ రీమేక్ కు గ్రీన్ సిగ్నల్ ఇచ్చిన సునీల్

రీమేక్స్ చేయడం సునీల్ కు కొత్తకాదు. ఇప్పటికే పలు రీమేక్స్ చేశాడు. ప్రస్తుతం ఎన్.శంకర్ దర్శకత్వంలో సునీల్ చేస్తున్న సినిమా కూడీ రీమేక్ ప్రాజెక్టు. త్వరలోనే మరో రీమేక్ లో కూడా నటించేందుకు గ్రీన్ సిగ్నల్ ఇచ్చాడు ఈ హీరో. తమిళ్ లో సూపర్ హిట్ అయిన శతురంగ వెట్టై సినిమాను తెలుగులో చేయబోతున్నాడు సునీల్.

2014 లో వచ్చిన ‘శతురంగ వెట్టై’ సినిమాను క్రిటిక్స్ సైతం మెచ్చుకున్నారు. స్క్రీన్ ప్లే, డైలాగ్స్ విషయంలో ఈ సినిమా ది బెస్ట్ గా నిలిచింది. వికటన్ అవార్డు తో పాటు చెన్నై ఇంటర్నేషనల్ ఫిలిం ఫెస్టివల్ లో కూడా అవార్డు పొందింది. ప్రస్తుతం కోలీవుడ్ లో ఈ సినిమాకు సీక్వెల్ కూడా తెరకెక్కుతోంది. అరవింద్ స్వామి, త్రిష హీరోహీరోయిన్లుగా శతురంగ వెట్టై-2 రూపుదిద్దుకుంటోంది.

ఇలాంటి క్రేజీ ప్రాజెక్టు రీమేక్ లో నటించడానికి ఓకే చెప్పాడు సునీల్. అభిషేక్ పిక్చర్స్ బ్యానర్ పై రానున్న ఈ సినిమాను ‘రోమియో’ ఫేమ్ గోపీ గణేశ్ డైరక్ట్ చేస్తాడు. అక్టోబర్ నుంచి సెట్స్ పైకి రానున్న ఈ సినిమాకు మణిశర్మ సంగీత దర్శకుడు.