అల్లరి నరేష్, సునీల్ 'సిల్లీ ఫెలోస్' ఫస్ట్ లుక్

కామెడి హీరోలు అల్లరి నరేష్, సునీల్ కాంబినేషన్ లో  తెరకెక్కుతున్న సినిమాకు ‘సిల్లీ ఫెలోస్’ అనే టైటిల్ ను ఖరారు చేసి ఫస్ట్ లుక్ విడుదల చేసారు..హైదరాబాద్ లో జరిగిన ప్రెస్ మీట్ లో అల్లరి  నరేష్, సునీల్ కలిసి ఈ ఫస్ట్ లుక్ ను లాంచ్ చేసారు.

భీమినేని శ్రీనివాస్ దర్శకత్వంలో ఫుల్లెంగ్త్ ఫన్ ఎంటర్టైనర్ గా రూపొందుతున్న ఈ సినిమా ఇటివలే షూటింగ్ ఫినిష్ చేసుకుంది.  బ్లూ ప్లానెట్‌ ఎంటర్‌టైన్‌మెంట్స్‌, పీపుల్‌ మీడియా ఫ్యాక్టరీ బ్యానర్స్‌పై కిరణ్‌ రెడ్డి, భరత్‌ చౌదరి నిర్మిస్తున్న ఈ సినిమాలో చిత్ర శుక్ల కథానాయికగా నటిస్తుంది. డిజే వసంత మ్యూజిక్ కంపోజ్ చేస్తున్నారు. జులై లో సినిమాను విడుదల చేసేందుకు సన్నాహాలు చేస్తున్నారు.