టాలెంటెడ్ హీరో సందీప్ కిషన్ నటిస్తోన్న 25వ చిత్రం `ఏ1 ఎక్స్ప్రెస్`. టాలీవుడ్లో రూపొందుతోన్న తొలి హాకీ ఫిల్మ్ ఇది. న్యూ-ఏజ్ స్పోర్ట్స్ ఎంటర్టైనర్ హీరో సందీప్ కిషన్కి ప్రతిష్టాత్మక ప్రాజెక్ట్.
`ఏ1 ఎక్స్ప్రెస్` ట్రైలర్ తాజాగా రిలీజైంది. ఈ ట్రైలర్లో.. భారతదేశం తరఫున ఆడాలని కలలు కనే యువ హాకీ ఆటగాడిగా సందీప్ కిషన్ కనిపిస్తున్నాడు. అతడి ప్రేమికురాలిగా లావణ్య త్రిపాఠి కూడా హాకీ ప్లేయర్ కావడం విశేషం. ఆన్ స్క్రీన్ మీద ఈ జంట చూడముచ్చటగా ఉంది.
ట్రైలర్లో తన హాకీ స్కిల్స్తో సందీప్ కిషన్ అందర్నీ ఎట్రాక్ట్ చేస్తున్నాడు. ఈ సినిమా కోసం బరువు తగ్గి సిక్స్ ప్యాక్ బాడీని సాధించాడు ఈ హీరో. పవర్ ఫుల్ డైలాగ్స్తో ఉన్న ఈ ట్రైలర్ అందరినీ ఆకట్టుకుంటుంది.
హిప్ హాప్ తమిళ బ్యాక్గ్రౌండ్ స్కోర్ ట్రైలర్కి మంచి ఎలివేషన్ ఇచ్చింది. కెవిన్ రాజ్ విజువల్స్ ఫ్రెష్గా ఉండడంతో పాటు ప్రొడక్షన్ వాల్యూస్ రిచ్గా ఉన్నాయి.
ఈ చిత్రాన్ని ఫిబ్రవరి 26న విడుదలచేస్తున్నట్లు తెలిపారు మేకర్స్.